Category Archives: Behind the Scenes

ఆస్కార్ బరిలో ‘శ్యామ్ సింగరాయ్’

Tags :

Category : Behind the Scenes Daily Updates Movie News Sliders

గతేడాది నేచురల్ స్టార్ నాని నటించిన పీరియాడికల్ ఫిక్షనల్ డ్రామా ‘శ్యామ్ సింగరాయ్’. రాహుల్ సాంకృత్యాయన్ దర్శకత్వంలో తెరకెక్కిన ఈ సినిమా నానీ కెరీర్ లోనే బిగ్గెస్ట్ హిట్‌గా నిలిచింది. పూర్వజన్మల నేపథ్యంలో తెరకెక్కిన ఈ సినిమాలో నానీ బెంగాలీ యువకుడిగానూ, ఒక ఫిల్మ్ మేకర్ గానూ రెండు పాత్రల్లో అద్భుతంగా నటించి మెప్పించారు. కథానాయికగా సాయిపల్లవి అత్యుత్తమ నటనను కనబరిచింది. స్వాతంత్ర్యానికి పూర్వం బెంగాల్ లోని ఒక ప్రాంతంలో జరిగే అనాచారాలపై తిరుగుబాటు చేసే యువకుడిగా నానీ చాలా పవర్ ఫుల్ పాత్రను పోషించారు. కృతిశెట్టి మరో కథానాయికగా నటించగా.. రాహుల్ రవీంద్రన్, మడోనా సెబాస్టియన్, మురళీ శర్మ, జిషు సేన్ గుప్తా, శుభలేఖ సుధాకర్ ఇతర ముఖ్యపాత్రలు పోషించారు. ఓటీటీలో కూడా ఈ సినిమా విశేష ప్రజాదరణ పొందింది. అలాంటి ఈ సినిమా మూడు కేటగిరిస్‌లో ఆస్కార్ బరిలో నిలిచింది.

‘శ్యామ్ సింగరాయ్’ చిత్రాన్ని పిరియాడిక్, బ్యాక్ గ్రౌండ్ స్కోర్, భారతీయ సాంప్రదాయ క్లాసిక్ విభాగాల జాబితాలో ఆస్కార్ పరిశీలనకు పంపినట్టు సమాచారం. ఈ విషయం టాక్ ఆఫ్ ది టాలీవుడ్ అయింది. నిహారిక ఎంటర్‌టైన్‌మెంట్స్ బ్యానర్ పై నిర్మాణం జరుపుకున్న ఈ సినిమా తెలుగుతో పాటు తమిళ, మలయాళ భాషల్లోనూ విడుదలై. అక్కడ కూడా మంచి వసూళ్ళను రాబట్టింది.

వాసుదేవ్ ఒక మంచి దర్శకుడు. ఒక మంచి షార్ట్ ఫిల్మ్ తీసి పేరు తెచ్చుకొని ఆ తర్వాత సినిమా దర్శకుడిగా పేరు తెచ్చుకోవాలనుకుంటాడు. ఆ క్రమంలో జరిగిన కొన్ని సంఘటనల వల్ల అతడ్ని పూర్వ జన్మ వెంటాడుతుంది. తను క్రిందటి జన్మలో ప్రముఖ బెంగాలి రచయిత శ్యామ్ సింగరాయ్ నని అర్ధమవుతుంది. ఇంతకీ ఎవరా శ్యామ్ సింగరాయ్ ? అతడి కథాకమామిషేంటి? అన్నదే మిగతా కథ. ఎలాంటి కన్ఫ్యూజన్ లేకుండా.. ఈ సినిమా కథాంశాన్ని అద్భుతంగా తెరకెక్కించాడు దర్శకుడు రాహుల్ సాంకృత్యాయన్. ఈ సినిమా ఇప్పుడు ఆస్కార్ బరిలోకి దిగడం గొప్ప విషయం.

‘అఖండ’ అలాంటి సినిమా రాదనుకున్నా.. కానీ కార్తికేయ-2 వచ్చింది

Tags :

Category : Behind the Scenes Movie News Sliders

‘కార్తికేయ 2’ సినిమా విడుదలకు ముందు ఎన్నో ఒడిదుడుకులను ఎదుర్కొన్న విషయం తెలిసిందే. కానీ విడుదల తర్వాత విజయదుందుభి మోగిస్తుంది. చిత్రబృందం ప్రమోషన్ కార్యక్రమాలలో మా సినిమాను కృష్ణుడు నడిపిస్తున్నాడు అని చెబుతూ వస్తున్నారు. ‘మనం ఏదైనా బలంగా కోరుకుంటే.. అది మనకు చేరే వరకు ఈ విశ్వమంతా సహాయపడుతుంది..’ అనేది.. ఈ టీమ్ నమ్మకాన్ని చూస్తుంటే నిజమేనని అనిపిస్తుంది. రోజురోజుకీ ఊహించని విధంగా ఈ చిత్రం కలెక్షన్లను రాబడుతోంది. కేవలం తెలుగులోనే కాకుండా హిందీలో కూడా ఈ చిత్రం సత్తా చాటుతోంది. బాలీవుడ్ పరంగా ఈ చిత్రాన్ని నిర్మాత అల్లు అరవింద్వంటివారు ‘పుష్ప’ సినిమాతో పోల్చుతున్నారంటే.. ఏ స్థాయిలో బాలీవుడ్‌లో ఈ చిత్రం సంచలనాలను క్రియేట్ చేస్తుందో అర్థం చేసుకోవచ్చు.

ఒక్క అల్లు అరవిందే కాదు.. ఈ సినిమా చూసిన ప్రతి ఒక్కరూ దర్శకుడిపై ప్రశంసల వర్షం కురిపిస్తున్నారు. శ్రీ కృష్ణుని లీలలను సైన్స్‌కి, టెక్నాలజీకి ముడిపెట్టడం ప్రేక్షకులను కదిలించిందంటూ.. అలాగే.. ‘‘మనకు కనిపించడం లేదంటే మన కన్ను చూడలేకపోతుందని అర్ధం, మనకు కన్ను లేదని కాదు. శ్రీకృష్ణుడు చెప్పిన కర్మం మతం కాదు మన జీవితం. గీతతో కోట్ల మందికి దారి చూపించిన శ్రీ కృష్ణుడు కంటే గురువు ఎవరు.?’’ వంటి డైలాగ్స్ ప్రతి ఒక్కరినీ ఆలోచింపజేసే విధంగా ఉన్నాయంటూ.. సినీ విశ్లేషకులు సైతం ఈ సినిమాని పొగడ్తలతో ముంచెత్తుతున్నారు. .

తాజాగా జరిగిన సక్సెస్ మీట్‌లో.. ‘‘మాములుగా హిందీలో కేవలం 50 థియేటర్లలో రిలీజైన కార్తికేయ 2 సినిమా, రెండో రోజుకు 200 థియేటర్లు, 3వ రోజుకి 700 థియేటర్లలో ఆడటం.. సంతోషాన్ని కలిగించే విషయం. ఈ సినిమాలో సత్తా ఉంది కాబట్టే ఇది సాధ్యమైంది. ‘పుష్ప’ కూడా ఇలానే బాలీవుడ్‌లో ఘన విజయం సాధించింది. నేను ‘అఖండ’ సినిమా చూసినప్పుడు శైవం మీద, శివతత్వంపై ఎమోషన్స్‌ని పండిస్తూ.. తారా స్థాయికి తీసుకెళ్లారని అనిపించింది. అలాగే.. ఇంకో రెండు మూడు ఏళ్ళల్లో విష్ణువును బేస్‌గా తీసుకుని సినిమా చేస్తారు అని ఉహించి.. చర్చలు కూడా జరిపాను. అటువంటిది ఒక ఏడాది తిరగకముందే విష్ణుతత్వం (కృష్ణతత్వం) మీద సినిమా రావడం, పెద్ద విజయం సాధించడం ఆశ్చర్యపరిచింది. మధ్య మధ్యలో యానిమేషన్‌లో చూపిస్తూ మళ్ళీ పిక్చర్‌లో తీసుకెళ్లడం చాలా బాగుంది. అందుకు దర్శకుడు చందూ మొండేటికి అభినందనలు.

సినిమా అంటే అమ్మాయి, అబ్బాయి మధ్య రొమాన్స్ మాత్రమే కాకుండా.. ఒక అమ్మాయి, అబ్బాయి ఒక కాజ్ కోసం పరిగెడితే చాలు, మనం కూడా వాళ్ళ వెనుక పరిగెడతాం.. అని ప్రేక్షకుల చేత థియేటర్లకి పరుగులు పెట్టిస్తున్నందుకు చాలా సంతోషంగా ఉంది. ఒక అడ్వెంచర్ ఫిల్మ్‌కు పౌరాణిక బేస్ ఇచ్చి.. మళ్ళీ దానిని కలికాలంలోకి తీసుకొచ్చిన విధానం నాకెంతో నచ్చింది’’ అని నిర్మాత అల్లు అరవింద్ ఈ సినిమాపై విశ్లేషణ చేశారు.

‘సలార్’ నుంచి అదిరిపోయే అప్‌డేట్.. అభిమానుల్లో టెన్షన్

Tags :

Category : Behind the Scenes Movie News Sliders

బాహుబలి తర్వాత ప్రభాస్ నుండీ వచ్చిన సాహో, రాధేశ్యామ్ సినిమాలు తీవ్రంగా నిరాశపరిచాయి. ప్రభాస్ నటిస్తున్న ఆదిపురుష్, ప్రాజెక్ట్ కె.. వంటి చిత్రాల పై అభిమానులకు పెద్దగా అంచనాలు లేవు. వారి చూపంతా కే.జి.ఎఫ్ దర్శకుడు ప్రశాంత్ నీల్ తో ప్రభాస్ చేస్తున్న సలార్ పైనే ఉన్నాయి. కే.జి.ఎఫ్ రేంజ్‌లో ప్రభాస్‌తో ఓ సినిమా చేస్తాడు అని అంతా ఆశిస్తున్నారు. కరోనా కారణంగా షూటింగ్ వాయిదా వేసుకుంటూ వచ్చిన సినిమాల్లో ఇది కూడా ఒకటి. ముందుగా 2022 లోనే ప్రేక్షకుల ముందుకు వస్తుంది అని ప్రకటించినా రిలీజ్ డేట్ వాయిదా వేసుకోక తప్పలేదు.

స్వాతంత్ర దినోత్సవం సందర్భంగా నిర్మాతలు సలార్ రిలీజ్ డేట్ ను ప్రకటించారు. 2023 సెప్టెంబర్ 28 న ఈ మూవీ ప్రేక్షకుల ముందుకు రానున్నట్టు ఓ పోస్టర్ ద్వారా తెలియజేశారు. ప్రభాస్ రెండు కత్తులు పట్టుకుని శత్రుసంహారం చేస్తున్నట్టు ఈ పోస్టర్ ఉండగా …’ రెబలింగ్.. వరల్డ్ వైడ్ సెప్టెంబర్ 28th 2023′ అంటూ అందులో రాసుకొచ్చారు. ప్రస్తుతం ఈ పోస్టర్ ప్రస్తుతం సోషల్‌మీడియాలో వైరల్ అవుతుంది. అయితే సెప్టెంబర్ 28 ప్రభాస్ అభిమానులను డిజప్పాయింట్ చేసిన డేట్ అనే చెప్పాలి. అదే డేట్ కు 2012 లో రెబల్ అనే చిత్రం రిలీజ్ అయ్యింది. ప్రభాస్ రెండు హిట్లు కొట్టి ఫాంలో వచ్చిన ఈ సినిమా ప్రభాస్ కెరీర్లోనూ బిగ్గెస్ట్ డిజాస్టర్‌‌గా నిలిచింది. ఇప్పుడు అదే డేట్‌తో వస్తున్న ‘సలార్‌’పై అభిమానులు ఆందోళన చెందుతున్నారు.

భర్త మరణం తర్వాత గొప్ప నిర్ణయం తీసుకున్న మీనా

Tags :

Category : Behind the Scenes Daily Updates Movie News Sliders

తెలుగు తమిళ భాషలో నటిగా ఎంతో మంచి గుర్తింపు సంపాదించుకున్న మీనా భర్త విద్యాసాగర్ జూన్ 29వ తేదీ ఊపిరితిత్తుల సమస్యతో మృతి చెందిన విషయం తెలిసిందే. ఇలా అనారోగ్య సమస్యలతో బాధపడుతూ విద్యాసాగర్ మృతి చెందడంతో మీనా ఎంతగానో కృంగిపోయింది. మీనా భర్త మరణం అనంతరం పలువురు సెలబ్రిటీలు తన ఇంటికి వెళ్లి ఆమెను పరామర్శిస్తూ తనకు మనోధైర్యం చెప్పారు. అయితే మీనా ఇప్పుడిప్పుడే తన భర్త జ్ఞాపకాల నుంచి మెల్లిగా బయటపడి తిరిగి మామూలు మనిషి అవుతున్నట్టు తెలుస్తుంది. భర్త మరణం తర్వాత మీనా ఓ గొప్ప నిర్ణయం తీసుకున్నారు. ఆగస్టు 13 అంతర్జాతీయ అవయవ దాన దినోత్సవం కావడంతో ఈమె ఓ గొప్ప నిర్ణయం తీసుకున్నారు.

తన భర్త అనారోగ్య సమస్యలతో బాధపడుతూ అవయవాలు దానం చేసేవారు లేక మృతి చెందారని, తనలాంటి పరిస్థితి మరొకరికి రాకూడదని అందుకే తన మరణాంతరం అవయవాలను దానం చేస్తున్నట్లు మీనా వెల్లడించారు. ఈ క్రమంలోనే ఈ విషయాన్ని మీనా సోషల్ మీడియా వేదికగా వెల్లడించారు.ఈ సందర్భంగా మీనా ఒక పోస్ట్ చేస్తూ తాను అవయవాలను దానం చేస్తున్నానని ఒక మనిషి ప్రాణం కాపాడటం కన్నా గొప్ప పని ఏదీ లేదంటూ చెప్పుకొచ్చారు.ఒక మనిషి చనిపోయిన తర్వాత తన అవయవాలను దానం చేయటం వల్ల ఎనిమిది మంది ప్రాణాలను కాపాడువచ్చని వెల్లడించారు. ఇలా అవయవాలు దానం చేసేవారు లేకే తన భర్తను కోల్పోయానని లేకపోతే తన భర్త తనతో పాటే ఉండేవారని మీనా ఆవేదనకు గురయ్యారు.

Eazygurus – IT Learning and Training Solution

Category : Behind the Scenes Daily Updates

Eazygurus provides quality and value-centric IT learning and training solutions for individuals/small groups, corporate & government organizations and educational institutions alike to drive success and digital transformation.

Eazygurus is a leading solution provider for IT learning and training. We cater to a wide and diverse range of audiences — individuals or small groups, educational institutions, corporates and even government organizations and provide them with a strong foundation and upskilling that is required to leverage/grow in the ever-evolving IT field.

Eazygurus has a commendable team of faculty who are widely recognized experts each having almost two decades of experience in the field.

They focus on emerging areas and have Course Offerings and Trainers in Big Data Analytics, IoT, Information Security & Robotics, Project Management, and Quality Management along with AWS, DevOps, Big Data / Hadoop, Robotic Process Automation (RPA), PMP, PRINCE2, LSSGB, ITIL, Cassandra, MongoDB, Data Science with R, Data Science with Python, Artificial Intelligence, ISMS, 5S.

Eazygurus is a leading Corporate IT Training Hyderabad, Online Instruct led Training Hyderabad USA provider. We are committed to providing quality training and have achieved a high rating on Google Reviews.

We’re here to help you be the best you can be. It’s a digital world out there and we want to make it easier for you to join the race.

  1. Artificial Intelligence: Learning at lightning speed.
  2. Robotics: A new generation of machines that are changing everything.
  3. Cyber Security: The most pressing issue of our time.
  4. Service Now: Designed for speed, delight, and efficiency – all in one package!
  5. Work Day: The time is now to get up and go!
  6. Sales Force: Automate today with an intelligent sales platform that scales with your business needs tomorrow
  7. Mule Soft: Making integration easy to use and easy-to-manage
  8. Snowflake: Cloud accounting for data analytics
  9. Flutter/Unity: Development made easy
  10. Blockchain: The technology that’s disrupting how we do business

India has been growing and more people are becoming great professionals and entrepreneurs, particularly in the IT industry. However, a sad fact is that many training providers need to catch up and provide coaching in emerging technologies. There is a problem with the trainers themselves not having enough knowledge to teach people. Also, institutes providing generic syllabi for everyone and not creating a learning experience tailored to the client is a problem with the current system.

Eazygurus is a one-stop solution for your Corporate IT Training needs. From classroom training to online training, from onsite to virtual, we offer it all.

Eazygurus understand this well and we ourselves get proficient first then teach later. Also, we provide training considering the needs of our clients and create a custom learning path for them. We are proud to say that we have the highest course completion rate in the industry.

EazyGurus is developed with the sole purpose of providing distinctive IT training services having a laser focus on value. Entrepreneurship is about problem-solving — as Eazyguru see problems in IT training, they have decided to jump in and actually address the problem thus providing the best training service.

Eazyguru has its offices in both the USA and India.

Contact them through the mail: info@eazygurus.com

Visit their website for more information: www.eazygurus.com

కాకులు ఎగరని ప్రాంతం.. రంకె వేసే బసవన్న.. ఎన్నో విశేషాల ‘యాగంటి’ పుణ్యక్షేత్రం

Tags :

Category : Behind the Scenes Daily Updates Features Sliders Spiritual

శ్రీ పోతులూరి వీర బ్రహ్మేంద్ర స్వామి నివసించిన బనగానపల్లి గ్రామానికి సమీపంలో ఉన్న పుణ్యక్షేత్రమే యాగంటి. గతంలో ఉమ్మడి కర్నూలు జిల్లాలో ఉన్న ఈ పుణ్యక్షేత్రం ప్రస్తుతం నంద్యాల జిల్లా పరిధిలోకి వచ్చింది. ఆహ్లాదకరమైన ప్రకృతి సౌందర్యంతో పరవశింపచేసే పుణ్యక్షేత్రాలలో యాగంటి ఒకటి. ఈ గ్రామంలో ఉమామహేశ్వర స్వామి ఆలయం నెలకొనివుంది. సమీపంలోని కొండ గుహ ఒకదానిలో వేంకటేశ్వరస్వామి విగ్రహం ఉంది. అగస్త్య మహర్షి, వీరబ్రహ్మేంద్రస్వామి వంటివారి పేర్లతో ఇక్కడి చారిత్రక, పౌరాణిక గాథలు ముడిపడివున్నాయి.

యాగంటి ఆలయంలోని నంది విగ్రహానికి “యాగంటి బసవన్న” అని పేరు. ఈ విగ్రహం అంతకంతకూ పెరుగతూవుంటుందని, కలియుగం అంతమయ్యే నాటికి ఇక్కడి బసవన్న లేచి రంకె వేస్తుందని వీరబ్రహ్మేంద్రస్వామి కాలజ్ఞానంలో వర్ణించారు. అగస్త్య మహర్షి శాపం వల్ల ఈ గ్రామంలో కాకులు ఉండవని ప్రతీతి.

యాగంటి దేవాలయం తెలుగు రాష్ట్రాల్లో చాలా ప్రసిద్ధి చెందిన ఆలయం. ఇక్కడ వున్న నందీశ్వరునికి దేశవ్యాప్తంగా ప్రచారం ఉంది. యాగంటి క్షేత్రంలో ప్రధాన ఆలయంలో శ్రీ ఉమామహేశ్వరుని లింగం ఉంది. తొలుత ఈ ఆలయంలో శ్రీ వెంకటేశ్వర స్వామి విగ్రహాన్ని ప్రతిష్ఠించాలని కట్టారట. అయితే విగ్రహంలో చిన్న లోపం ఉన్నందున వెంకటేశ్వరుని విగ్రహాన్ని ప్రతిష్ఠించలేదని, స్వయంభువుగా ఆ చుట్టు పక్కల వెలసిన ఉమా మహేశ్వరస్వామి వారిని తీసుకుని వచ్చి ఆలయంలో ప్రతిష్ఠించారని ప్రచారంలో ఉంది. లోప భూయిష్టమైన శ్రీ వెంకటేశ్వరస్వామి వారి విగ్రహాన్ని ప్రధాన ఆలయానికి ప్రక్కనే కొండపైన సహజ సిద్దంగా వున్న గుహలో ఇప్పటికీ దర్శించుకోవచ్చు. ఇక్కడున్న పుష్కరిణి లోనికి నీరు నంది నోటి నుండి వస్తూ వుంటుంది.

అగస్త్య పుష్కరిణి
ప్రకృతి ఒడిలో పుట్టిన జలధార పర్వత సానువుల్లో ప్రవహించి ఆలయ ప్రాంగణంలోని కోనేరులో చేరుతుంది. ఈ కోనేరులో అగస్త్యుడు స్నానమాచరించిన కారణంగా దీనిని అగస్త్య పుష్కరిణి అని అంటారు. ఏ కాలంలో నైనా పుష్కరిణి లోని నీరు ఒకే మట్టంలో వుండడం విశేషం. ఇందులోని నీటికి ఔషధ గుణాలున్నాయని, ఇందులో స్నానమాచరిస్తే సర్వ రోగాలు నయమౌతాయని నమ్మకం. పుష్కరిణి నుండి ఆలయానికి వెళ్ళడానికి సోపాన మార్గం ఉంది.ప్రధాన గోపురం ఐదు అంతస్తులు కలిగి ఉంది. దీన్ని దాటగానే రంగ మంటపం, ముఖ మంటపం, అంతరాళం, ఉన్నాయి. గర్బాలయంలో లింగ రూపంపై ఉమామహేశ్వరుల రూపాలు కూడా ఉన్నాయి. పోతులూరి వీరబ్రహ్మేంద్రస్వామి గారు రచించిన కాలజ్ఞానంలో యాగంటి బసవన్న రోజు రోజుకి పెరుగుతున్నాడని రాశారు.

యాగంటి గుహాలయ దృశ్యం

యాగంటిలో సహజ సిద్ధంగా ఏర్పడిన కొండగుహలు ఆశ్చర్య చకితుల్ని చేస్తాయి. వెంకటేశ్వరస్వామి గుహలో అగస్త్య మహర్షి శ్రీ వేంకటేశ్వరుని విగ్రహం ప్రతిష్ఠించాడు. ఇక్కడున్న వేంకటేశ్వరుడు భక్తుల పూజలనందు కొంటున్నాడు. ఆ ప్రక్కనే ఇంకో గుహలో బ్రహ్మం గారు కొంత కాలం నివసించి శిష్యులకు ఙ్ఞానోపదేశం చేసారని భక్తులు నమ్ముతారు. దీనిని శంకరగుహ, రోకళ్ళగుహ అనికూడా అంటారు.ః

యాగంటి బసవన్న
ఇక్కడి ముఖ మంటపంలో స్వయంభువుగా వెలసిన బసవన్న విగ్రహంలో జీవకళ ఉట్టిపడుతూ ఉంటుంది. దానిని చూడగానే లేచి రంకె వేయడానికి సిద్ధంగా ఉందేమోనని అనిపిస్తుంది. ఈ బసవన్న అంతకంతకు పెరిగిపోతూ ఉంటోందన్న మాటని పురావస్తు శాఖ కూడా నిర్ధారణ చేయడంతో మరింత మహిమాన్వితమైనదిగా వెలుగొందుతోంది. కలియుగాంతంలో యాగంటి బసవన్న లేచి రంకె వేస్తాడని బ్రహ్మంగారి కాలజ్ఞానం లో ప్రస్తావించబడి ఉంది. యుగాంతంతో ముడిపడి ఉన్న ప్రత్యేకత యాగంటి బసవన్నకు ఉంది.

కాకులకు శాపం
యాగంటిలో కాకులు కనిపించకపోవడం ఆశ్చర్యాన్ని కలిగిస్తుంది. ఇందుకు సంబంధించిన కథ ఒకటి ప్రచారంలో ఉంది. పూర్వం ఈ ప్రాంతాన్ని దర్శించిన అగస్త్య మహర్షి అక్కడ వెంకటేశ్వరస్వామి విగ్రహాన్ని కూడా ప్రతిష్ఠిస్తే బాగుంటుందని భావించాడు. ఆయన ఆ విగ్రహాన్ని మలుస్తూ వుండగా చేతి బొటనవేలుకి గాయమైందట. తన సంకల్పంలో లోపమేమో అనే సందేహం తలెత్తడంతో వెంకటేశ్వరస్వామి గురించి తపస్సు చేశాడు. ఆ సమయంలో కాకులు ఆయన తపస్సుకు భంగం కలిగించడంతో, అవి ఆ ప్రాంతంలో సంచరించకుండా నిషేధాన్ని విధిస్తూ శపించాడట. అందువల్లనే ఇక్కడ కాకులు కన్పించవని చెబుతుంటారు.

ఆలయ దర్శన వేళలు
ఉదయం 6:00 నుండి 11:00 వరకు, సాయంత్రం 3:00 నుండి 8:00 వరకు

ఎలా వెళ్లాలి…
ఈ క్షేత్రం కర్నూలుకు 100 కిలోమీటర్ల దూరంలో ఉంది. కర్నూలు, బనగానపల్లి, నంద్యాల నుండి యాగంటి క్షేత్రానికి బస్సు సౌకర్యం ఉంది. యాగంటిలో వసతి సౌకర్యాలు లేవు. దగ్గర వున్న బనగానపల్లిలో వసతులున్నాయి.

అగ్నిని స్నానంగా స్వీకరించే ‘ఇడాణ మాత’.. ఈ ఆలయం ఎక్కడుందో తెలుసా?

Tags :

Category : Behind the Scenes Daily Updates Features Sliders Spiritual

అగ్నిని నీరుగా తీసుకునే విచిత్రమైన అమ్మవారి దేవాలయం రాజస్థాన్ లో ఉంది. అక్కడ ఇడాణ మాతాలయంగా ప్రసిద్ధి. ఈ మందిరానికి ఓ ప్రత్యేకత ఉంది. ఆరావళి పర్వతాల్లో నెలకొనివున్న ఈ దేవాలయం రాజస్థాన్ లోని, ఉదయపుర్ కు 60 కిలోమీటర్ల దూరంలో ఉంది. పైన రూఫ్ లేకుండా నిర్మించిన, ఈ ఆలయం, చతురాస్రాకరంలో ఉంది. ఇడాణ ఉదయపుర్ మేవాల్ మహారాణి పేరుమీద ఉన్న ఈ ఆలయం చుట్టుపక్కల ఎంతో ప్రసిద్ధి గాంచింది.

ఇక్కడ ఉన్న ఇడాణమాత అగ్నిని స్నానంగా తీసుకుంటుంది. నెలకు రెండు మూడు సార్లు అమ్మవారు ఇలాంటి స్థితిలో ఉంటుందని స్థానిక ప్రజలు చెబుతుంటారు. మంట, దానంతట అదే మండుతుంది. దేవాలయంలోని అమ్మవారి విగ్రహం తప్ప అక్కడున్న ప్రతీ వస్తువు, అగ్నికి ఆహుతి అవుతుంది. ఈ పవిత్రమైన దృశ్యాన్ని చూసేందుకు, భక్తులు తండోపతండాలుగా విచ్చేస్తుంటారు. ఎంతోమంది ఎన్నో రకాల పరిశోధనలు చేసినా ఫలితం లేకపోయింది. ఇంతవరకు ఎవరూ ఈ మిస్టరీని కనిపెట్టలేకపోయారు.

ఆలయంలో మంట మండుతున్నప్పుడు, అమ్మవారి అలంకరణ మినహా మిగతా ఏమీ నాశనంకాదని ప్రత్యక్షంగా చూసిన భక్తులు చెబుతుంటారు. అందుకే ఈ మంటలను చూసి అమ్మవారు అగ్నిస్నానం ఆచరిస్తుందని భక్తులు నమ్ముతుంటారు. ఈ మంటల కారణంగా, ఇక్కడ ఆలయాన్ని విస్తృత పరచలేదు. ఈ మంటలను ప్రత్యక్షంగా చూసినవారికి సకల పాపాలు హరించి, అదృష్టంతో పాటు పుణ్యం చేకూరుతుందని విశ్వసిస్తుంటారు. అంతేకాకుండా కోరుకున్న కోరికలు తీరతాయని నమ్మకం. ఈ ఆలయానికి ఉన్న, ప్రత్యేక గుర్తింపువల్ల ఎక్కువ సంఖ్యలో భక్తులు హాజరవుతుంటారు. ముఖ్యంగా పక్షవాతం, మానసిక ఆందోళనకు గురవుతున్న ప్రజలు రోగ విముక్తికోసం ఇక్కడకు వచ్చి అమ్మవారి ఆశీర్వదాలు పొందుతారు. ఆలయంలో అగ్ని వచ్చినంతకాలం ఇక్కడకు భక్తులు భారీసంఖ్యలో హాజరవుతుంటారు. ముఖ్యంగా దగ్గరలో ఉన్న గ్రామస్థులు భారీసంఖ్యలో వస్తుంటారు. ఇక్కడున్న అమ్మవారే స్వయంగా జ్వాలా దేవి రూపాన్ని ఆవహించిందని ఇడాణ దేవాలయంలో పుజారులు చెబుతున్నారు.

ఈ ఆలయంలో వచ్చేమంట దాదాపు 10 నుంచి 20 అడుగులు వరకు వస్తుందట. ఇక్కడకు వచ్చే భక్తులు, అమ్మవారి అగ్నిని చూడటమే కాకుండా అక్కడున్న త్రిశూలాన్ని పూజిస్తారు. ముఖ్యంగా సంతానం లేనివారు త్రిశూలానికి ప్రత్యేకపూజలు చేస్తారు. ఫలితంగా వారికి సంతానప్రాప్తి కలుగుతుంది. పక్షవాతం రోగులకు అయితే ఆరోగ్యం కుదటపడి సాధారణ స్థాయికి చేరుకుంటారు. అంతేకాకుండా కోరుకున్న కోరికలు తీరతాయని నమ్మకం.

రివ్యూ: కార్తికేయ-2

Tags :

Category : Behind the Scenes Daily Updates Latest Reviews Movie Reviews Movie Reviews by Telugu Box Office Sliders

నటీనటులు: నిఖిల్, అనుపమ పరమేశ్వరన్, అనుపమ్ ఖేర్, శ్రీనివాస‌రెడ్డి, ప్రవీణ్‌, ఆదిత్యా మేన‌న్‌, తుల‌సి, స‌త్య, వైవా హ‌ర్ష, వెంక‌ట్‌ తదితరులు
మ్యూజిక్: కాలభైరవ
ఛాయాగ్రహ‌ణం: కార్తీక్ ఘట్టమనేని
క‌ళ‌: సాహి సురేష్
నిర్మాణ సంస్థ: పీపుల్ మీడియా ఫ్యాక్టరీ
నిర్మాత‌లు: టి.జి.విశ్వ ప్రసాద్‌, అభిషేక్ అగ‌ర్వాల్‌
క‌థ‌, స్క్రీన్‌ప్లే, ద‌ర్శక‌త్వం: చందు మెుండేటి
విడుద‌ల తేదీ‌: 13-08-2022

హ్యాపీడేస్ చిత్రంలో నలుగురు కుర్రాళ్లలో ఒకడిగా నటించిన నిఖిల్ సిద్ధార్థ్ తర్వాత యువత సినిమాతో మంచి విజయాన్నే సొంతం చేసుకున్నాడు. మధ్యలో కొన్ని పరాజయాలు పలకరించినా స్వామి రారా, కార్తికేయ వంటి చిత్రాలతో వరుస సక్సెస్‌ల‌ను సొంతం చేసుకున్నాడు. అప్ప‌టి నుంచి రొటీన్‌కి భిన్నంగా సినిమాలు చేసే ప్ర‌య‌త్నాలు చేస్తున్నాడు. సినిమాలు హిట్స్ అవుతున్నాయి. కానీ.. సాలిడ్ హిట్ కావాల‌ని చాన్నాళ్లుగా నిఖిల్ వెయిట్ చేస్తున్నాడు. మ‌రో వైపు ద‌ర్శ‌కుడు చందు మొండేటికి సైతం మ‌రో హిట్ అవ‌స‌రం అయ్యింది. దీంతో వీరిద్దరూ చేతులు కలిపారు.

2014లో నిఖిల్, చందు మొండేటి కాంబినేష‌న్‌లో వ‌చ్చిన కార్తికేయ సినిమా చాలా పెద్ద విజ‌యాన్ని సాధించింది. దానికి కొన‌సాగింపుగా చేసిన చిత్ర‌మే కార్తికేయ 2. స‌ముద్ర గ‌ర్బంలో దాగిన ద్వార‌కా న‌గ‌రం.. దాన్ని పాలిచించిన శ్రీకృష్ణుడు ఉన్నాడా..లేడా అనే విష‌యాల‌ను కార్తికేయ 2లో చెప్ప‌బోతున్న‌ట్లు టీజ‌ర్‌, ట్రైల‌ర్‌తో చిన్న ట‌చ్ ఇచ్చింది చిత్ర యూనిట్. దీంతో సినిమాపై ఆస‌క్తి క‌లిగింది. కార్తికేయ సాధించినట్లుగానే కార్తికేయ 2 కూడా భారీ విజ‌యాన్ని ద‌క్కించుకుందా.. ప్రేక్ష‌కుల‌ను మెప్పించిందా! అనే విష‌యాల‌ను తెలుసుకోవాలంటే సినిమా క‌థ‌లోకి వెళ‌దాం…

కార్తికేయ (నిఖిల్‌) (Nikhil) ఓ వైద్యుడు. ప్రశ్నల‌కు స‌మాధానం వెత‌క‌డం అంటే ఇష్టం. ప్రతి స‌మ‌స్యకీ ఓ స‌మాధానం ఉంటుంద‌ని, త‌న ద‌గ్గరికి రానంత‌ వ‌ర‌కే ఏదైనా స‌మ‌స్య అనీ.. వ‌స్తే మాత్రం దానికి స‌మాధానం దొర‌కాల్సిందేనని అంటాడు. అందుకోసం ఎంత‌దూర‌మైనా ప్రయాణించే వ్యక్తిత్వం అతడిది. మొక్కు తీర్చడం కోస‌మ‌ని అమ్మతో క‌లిసి ద్వార‌క వెళ‌తాడు. అనుకోకుండా అక్కడ ఓ ఆర్కియాల‌జిస్ట్ హ‌త్యకు గురికావ‌డం, దాని వెన‌క కార‌ణాల్ని వెతుకుతూ కార్తికేయ చేసే సాహ‌సోపేత‌మైన ప్రయాణ‌మే అస‌లు క‌థ‌. ముగ్ధ (అనుప‌మ ప‌ర‌మేశ్వర‌న్‌) ఎవ‌రు? కార్తికేయ ప్రయాణానికీ, శ్రీకృష్ణత‌త్వానికీ సంబంధ‌మేమిట‌నేది తెర‌పైనే చూడాలి.

విజ‌య‌వంత‌మైన ‘కార్తికేయ’కు కొన‌సాగింపుగా రూపొందిన చిత్రమిది. అయితే క‌థానాయ‌కుడి పాత్ర, అత‌డి వ్యక్తిత్వం మిన‌హా.. తొలి భాగం క‌థ‌కీ, దీనికీ సంబంధ‌మేమీ ఉండ‌దు. ఈసారి శ్రీకృష్ణుడి చ‌రిత్ర చుట్టూ క‌థ‌ను అల్లాడు ద‌ర్శకుడు. దైవం, మాన‌వత్వం వంటి విష‌యాలను చెబుతూనే క‌థానాయ‌కుడి సాహ‌స ప్రయాణాన్ని ఆస‌క్తిక‌రంగా ఆవిష్కరించ‌డంలో చిత్రబృందం స‌ఫ‌ల‌మైంది. క‌థానాయ‌కుడు ద్వార‌క వెళ్లిన‌ప్పట్నుంచీ క‌థ‌లో వేగం పుంజుకుంటుంది. అప్పటివ‌ర‌కు భిన్న పాత్రల్ని, క‌థ‌లో పార్శ్వాల్ని పరిచ‌యం చేశాడు ద‌ర్శకుడు. హ‌త్యకు గురైన ఆర్కియాలజిస్ట్, ఆయ‌న చేసిన ప‌రిశోధ‌న‌ల ఆధారంగా సమాధానాల్ని వెతుక్కుంటూ క‌థానాయ‌కుడు వెళ్లే క్రమం ఆక‌ట్టుకుంటుంది. ఆ క్రమంలో ఎదుర‌య్యే స‌వాళ్లు, చోటు చేసుకునే అనూహ్య మ‌లుపులు ర‌క్తి క‌ట్టిస్తాయి. ద్వితీయార్ధం నుంచి క‌థ మ‌రింత బిగితో సాగుతుంది. మ‌ధుర గోవ‌ర్ధన‌గిరిలో గుహ, అక్కడ ల‌భించిన ఆధారంతో ఆ ప్రయాణం మ‌రో చోటుకి కొన‌సాగ‌డం, అభీరా తెగ‌తో క‌లిసి ప్రయాణం చేయడం, ప్రీ క్లైమాక్స్ స‌న్నివేశాలు.. ఇలా ద్వితీయార్ధం అంతా కూడా ప్రేక్షకుల్ని క‌థ‌లో లీనం చేస్తుంది. అక్కడ‌క్కడా సినిమాటిక్ స్వేచ్ఛతో క‌థ‌నాన్ని న‌డిపించినా.. వాణిజ్యాంశాల పేరుతో పాట‌లు, కామెడీ వంటి హంగుల్ని జోడించ‌కుండా తెలివిగా చివ‌రి వ‌ర‌కూ ఉత్కంఠ కొన‌సాగేలా చేశాడు ద‌ర్శకుడు. కొన‌సాగింపు చిత్రం కాబ‌ట్టి తొలి భాగానికి దీటుగా ఉండేలా.. ఆ అంచనాల‌కు త‌గ్గట్టుగా ఉండేలా విస్తృతమైన ప‌రిధి ఉన్న క‌థ‌ని ఎంచుకోవ‌డం క‌లిసొచ్చింది. క‌థా నేప‌థ్యం, దానికి త‌గ్గ సాంకేతిక హంగులు కూడా చ‌క్కగా జోడించడం వల్ల క‌థ ఓ కొత్తద‌నాన్ని పంచుతుంది. ప‌తాక స‌న్నివేశాలు మ‌రో క‌థకి ఆరంభాన్ని సూచిస్తాయి.

ఫస్టాఫ్ విష‌యానికి వ‌స్తే కృష్ణుడు దాచిన అపూర్వ‌మైన వ‌స్తువు.. దాని కోసం విల‌న్స్ ప్ర‌య‌త్నించ‌టం వంటి స‌న్నివేశాలతో ర‌న్ చేశారు. మ‌రో వైపు నిఖిల్ ద్వార‌క‌కు రావ‌టం అక్క‌డ అనుపమ ప‌ర‌మేశ్వ‌ర‌న్ ప‌రిచ‌యం, విచిత్రమైన పరిస్థితులు ఎదురవటం జరుగుతాయి. ఆ త‌ర్వాత త‌ను కూడా ఆ వ‌స్తువును వెత‌కాల‌నుకోవ‌టం వంటి సీన్స్‌ను చూపించారు. స‌న్నివేశాల‌ను ఆస‌క్తిక‌రంగా తెర‌కెక్కించ‌టం.. దైవం..దైవ‌త్వం.. మాన‌వాళికి మేలు చేయ‌టానికి దేవుడు ఓ ప్ర‌తినిధిని ఎన్నుకోవ‌టం వంటి దృశ్యాలతో ప్ర‌థ‌మార్థం ఆస‌క్తిక‌రంగా అనిపించింది.

సెకండాఫ్‌లో హీరో ఒక్కో మిస్టరీని ఛేదిస్తూ వెళ్లటం అక్కడ తాను చేసే సాహ‌స‌క‌త్యాలు..చివ‌ర‌కు అనుకున్న ప‌నిని పూర్తి చేయటంతో సినిమాను ముగించారు. కార్తికేయ 3 ఉంటుంద‌నే విష‌యాన్ని చివర్లో చెప్ప‌టం కొస మెరుపు. పాత్రల విష‌యానికి వ‌స్తే హీరో నిఖిల్ ఎక్క‌డా ఎక్కువగా హీరోయిజాన్ని చూపించాల‌నే ఉద్దేశంతో కాకుండా ప‌రిధి మేర‌కు న‌టిస్తూ వ‌చ్చాడు. కార్తికేయ‌లో ఎలాంటి ఓ ఎగ్జ‌యిట్‌మెంట్‌ను చూశామో అలాంటి ఎగ్జ‌యిట్‌మెంట్ మ‌న‌కు క‌నిపిస్తుంది. పార్ట్ వ‌న్ కంటే పార్ట్ 2లో యాక్ష‌న్ పార్ట్ కాస్త ఎక్కువే. కానీ క‌థానుగుణంగా త‌ప్ప‌లేదు. దానికి త‌న న‌ట‌న‌తో నిఖిల్ న్యాయం చేశారు. ద‌ర్శకుడు చందు మొండేటికి ‘కార్తికేయ’ తొలి సినిమా. దాన్ని ఎంత శ్రద్ధగా, ప్రేమ‌తో తీశారో ఈ సినిమాపై కూడా అంతే జాగ్రత్తలు తీసుకున్నట్టు స్పష్టమ‌వుతుంది. నిర్మాణం బాగుంది.

తిరుమల శ్రీవారిని నిత్యం ఎన్ని రకాల దండలతో అలంకరిస్తారో తెలుసా?

Tags :

Category : Behind the Scenes Daily Updates Features Sliders Spiritual

తిరుమల వెంకన్న కోటి మన్మథ సదృశ్యుడు. అలాంటి ఆయన్ను అలంకరించాలంటే ఎంత కష్టమో. ప్రతిరోజు లక్షలాదిమంది భక్తులు తిలకించే స్వామివారిని ఎంతో అందంగా అలంకరించాలి. అది వేదపండితుల పని అన్న విషయం అందరికీ తెలిసిందే. ప్రతిరోజు ఏకాంత సేవ తర్వాత స్వామివారిని అలంకరిస్తారు. ఆభరణాల కన్నా స్వామివారి అందాన్ని మనకు ఎక్కువగా చూపించేది పుష్పాలే. అసలు శ్రీవారికి ప్రతిరోజు ఎన్ని కరాల పుష్పమాలలు ధరిస్తారో ఇప్పటికీ చాలా మందికి తెలియదు. ఎందుకంటే స్వామివారిని చూడడమే చాలా తక్కువ సమయం. అలాంటిది ఆయన ఎన్ని పూల దండలు వేసుకున్నారో చెప్పడం ఇంకా కష్టమైన పని. శ్రీవారికి ఎన్ని పూలదండలు అలంకరిస్తారో ఇప్పుడు తెలుసుకుందాం.

శిఖామణి
శ్రీవారి కిరీటం మీద నుంచి రెండు భుజాల మీద వరకు అలంకరింపబడే ఒకే ఒక దండను శిఖామణి అంటారు. ఇది 8 మూరలు ఉంటుంది.

సాలిగ్రామాలు
శ్రీవారి భుజాల నుంచి ఇరువైపులా పాదాల వరకు వేలాడుతూ ఉన్న సాలిగ్రామాల మాలలకు ఆనుకొని వేలాడదీస్తూ అలంకరింపబడే పొడవైన పూలమాలలు. ఇవి రెండు మాలలు. ఒక్కొక్కటి సుమారు 4 మూరలు ఉంటుంది.

కంఠసరి
మెడలో రెండు పోర్వలుగా రెండు భుజాల మీదికి అలంకరింపబడే దండ బకటి. ఈ దండ మూడున్నర మూరలు ఉంటుంది.

వక్ష స్థల లక్ష్మి
శ్రీ స్వామివారి వక్షస్థలంలో ఉన్న శ్రీదేవి, భూదేవులకు రెండు దండలు. ఒక్కొక్కటి ఒకటిన్నర మూర ఉంటుంది.

శంఖుచక్రం
శంఖుచక్రాలకు రెండు దండలు. ఒక్కొక్కటి ఒక మూర ఉంటుంది.

కఠారి సరం
శ్రీ స్వామివారి బొడ్డున ఉన్న నందక ఖడ్గానికి అలంకరించే దండ ఒకటి రెండు మూరలు.

తావళములు
రెండు మోచేతుల కింద, నడుము నుండి మోకాళ్ళపై హారాలుగా, మోకాళ్ళ నుండి పాదాల వరకు జీరాడుతూ వేలాడ దీసే మూడు దండలు ఒకటి మూడు మూరలు ఉంటుంది. రెండవది మూడున్నర మూరలు ఉంటుంది. మూడవది నాలుగు మూరలు ఉంటుంది.

తిరువడి దండలు
శ్రీ స్వామివారి పాదాలపై చుట్టూ అలంకరించే రెండు దండలు. ఒక్కొక్కటి ఒక్కో మూర ఉంటుంది. ప్రతి గురువారం సాయంత్రం జరిగే పూలంగి సేవలో మాత్రమే శ్రీ స్వామివారి మూలమూర్తికి ఆభరణాలన్నీ తీసివేసి, పైన తెలిపిన మాలలతో పాటు నిలువెల్ల స్వామివారిని విశేషంగా పూలలమాలతో అలంకరిస్తారు.

ఇవేకాకుండా శ్రీవారి ఆనంద నిలయంలోని వివిధ ఉత్సవమూర్తులను కూడా పలు కరాల పూలమాలలతో అలంకరిస్తారు.

భోగ శ్రీనివాసమూర్తికి – ఒక దండ
కొలువు శ్రీనివాసమూర్తికి – ఒక దండ
శ్రీదేవి, భూదేవి సహిత మలయప్పస్వామికి – 3 దండలు
శ్రీదేవి భూదేవి సహిత ఉగ్రశ్రీనివాసమూర్తికి – 3 దండలు
శ్రీ సీతారామలక్ష్మణులకు – 3 దండలు
శ్రీ రుక్మిణీ శ్రీకృష్ణులకు – 2 దండలు
చక్రతాళ్వారుకు – ఒక దండ
అనంత గరుడ విష్వక్షేనులకు – మూడు దండలు
సుగ్రీవ అంగద హనుమంతులకు – 3 దండలు

ఇతర విగ్రహమూర్తులకు నిత్యమూ అలంకరించే పూలదండలు


బంగారు వాకిలి ద్వారపాలకులు – రెండు దండలు
గరుడాళ్వారు – ఒక దండ
వరదరాజస్వామి – ఒక దండ
వకుళమాలిక – ఒక దండ
భగవద్రామానుజులు – రెండు దండలు
యోగనరసింహస్వామి – ఒక దండ
విష్వక్షేనుల వారికి – ఒక దండ
పోటు తాయారు – ఒక దండ
బేడి ఆంజనేయస్వామికి – ఒక దండ
శ్రీ వరాహస్వామి ఆలయానికి – 3దండలు
కోనేటి గట్టు ఆంజనేయస్వామికి – ఒక దండ
అంతేకాకుండా శ్రీ స్వామివారి నిత్యకళ్యాణోత్సవం, వసంతోత్సవం, వూరేగింపులు, ఉత్సవాలకు గాను ప్రత్యేకంగా పూలమాలలు కూడా ఈ పూల అరలలో కూర్చబడతాయి.

అలాగే స్వామివారిని అలంకరించే మాలలకు గాను తిరుమల క్షేత్రంలో తులసి, చామంతులు, గన్నేరులు, సన్నజాజులు, మల్లెలు, మొల్లలు, మొగిలి, కమలం, కలువ, రోజాలు, గులాబీలు, సంపెంగులు, సుగంధాలు, మామిడాకులు, తమలపాకులు, పచ్చి పసుపుచెట్లు, కనకాంబరం, మరువం, మాచీపత్రం, దవనం, బిలువం ఇలా రంగురంగులతో సుగంధ పరిమళాలను వెదజల్లే ఎన్నో పుష్ప జాతులను, పత్రాలను శ్రీవారి పుష్ప కైంకర్యాలలో వినియోగిస్తారు.

ప్రతిరోజు ఉదయం, సాయంత్రం రెండు పూటలా స్వామివారికి జరిగే తోమాల సేవకు గాను ఈ పుష్ప అర నుంచి సిద్థం చేయడిన పూలమాలలను, జీయంగారులు తలపై పెట్టుకుని బాజా భజంత్రీలతో ఛత్ర చామర మర్యాదలతో వేద మంత్రోచ్ఛారణలతో ఊరేగింపుగా బయలుదేరి ధ్వజస్థంభానికి ప్రదక్షిణంగా వచ్చి విమాన ప్రదక్షిణం చేస్తూ శ్రీవారి సన్నిధిలో సమర్పిస్తారు.

‘రక్షాబంధన్’ వెనుక పురాణ గాథ తెలుసా…

Tags :

Category : Behind the Scenes Daily Updates Features Sliders Spiritual

ఓసారి దేవతలపై రాక్షసులు దండెత్తారు. దేవరాజు ఇంద్రుడు రాక్షసులతో తీవ్రంగా పోరాడాడు. ఈ పోరులో రాక్షసులదే పైచేయిగా మారింది. ఇంద్రుని బలం క్షీణించి అలసి సొలసి స్పృహతప్పి నేలపైకి ఒరిగిపోయాడు. ఈ పరిస్థితుల్లో యుద్ధం ఆపి, రాక్షసులకు లొంగిపోవటం శ్రేయస్కరమని దేవగురువు బృహస్పతి హితవు పలికాడు. మహేంద్రుని భార్య శచీదేవి యుద్ధంలో విజయం సాధించడానికి తన పతికి తగిన బలం ప్రసాదించవలసిందని త్రిమూర్తులను ప్రార్థిస్తూ ఒక రక్షాబంధనాన్ని భర్త చేతికి కట్టి, ఆయనను ఉత్సాహపరుస్తూ, తిరిగి యుద్ధానికి పురికొల్పింది. రక్షాబంధన ధారణతో నూతనోత్తేజం పుంజుకున్న ఇంద్రుడు ఈసారి యుద్ధంలో అవలీలగా రాక్షసులను జయించాడు.

రక్షాబంధన ప్రాశస్త్యాన్ని గుర్తించిన దేవతలు ఆనాడు శ్రావణ పూర్ణిమ కావడంతో నాటినుంచి ప్రతి శ్రావణ పూర్ణిమనాడూ ఎవరి శ్రేయస్సునైతే తాము కాంక్షిస్తున్నామో వారికి బలాన్ని, శక్తిని ప్రసాదించి, రక్షణ ఇవ్వాలసిందిగా కోరుతూ వారి ముంజేతికి రక్షా కంకణాన్ని కట్టడం ఆచారంగా మారింది. దుష్టశక్తుల పీడ లేకుండా, వాహన ప్రమాదాలు, తదితర విపత్తుల బారినుంచి కాపాడి భగవంతుడు ఈ సంవత్సరమంతా మీకు రక్షగా నిలవాలని కాంక్షిస్తూ ఎంతో దూరాభారాలకు ఓర్చి పుట్టింటికి వచ్చి సోదరుల చేతికి రక్షాబంధనం కట్టడం, వారికి తీపి తినిపించడం, ‘నీకు అండగా నేనున్నాను’ అని అభయమిస్తూ సోదరులు వారి శక్తికొలది పసుపు కుంకుమలు, చీరసారెలతో సత్కరించే ఆచారంగా రూపుదిద్దుకుంది.

రాఖీ ఇలా కట్టాలి


శ్రావణ పూర్ణిమ నాడు సూర్యోదయ కాలంలోనే స్నాన విధిని పూర్తి చేయాలి. ఎవరిని రక్షించదలిచామో ఆ వ్యక్తి ముంజేతికి మనం కట్టబోయే రక్షిక (రాఖీ)ని దైవం ముందుంచి పూజ చేయాలి. వరుడు కట్టబోయే మంగళ సూత్రానికి ఎలా మాంగల్యబల పూజ చేస్తారో, ఆ పూజాశక్తి దానిలో ప్రవేశించి ఆ సూత్రాన్ని కట్టించుకున్న ఆమెకీ, కట్టిన వ్యక్తికీ ఆపదల్లేకుండా చేస్తుందో అంతటి శక్తి ఉన్నది ఇక్కడ రక్షికకి. కాబట్టి దీనికీ పూజ చెయ్యాలి. అంటే పూజ ద్వారా దైవశక్తిని దానిలోనికి ప్రవేశింప చెయ్యాలన్నమాట. ఈ రక్షికని ఒక సంవత్సర కాలం పాటు మనం ఎవరిని రక్షించడానికి అండగా నిలువదలిచామో ఆ వ్యక్తి ముంజేతికి బహిరంగ ప్రదేశంలో కడుతూ ‘తప్పక అండగా నిలుస్తానని ప్రమాణం చేస్తున్నా’నంటూ – బంధుస్నేహితుల మధ్య ప్రకటించి ఆ రక్షిక మీద అక్షతలని వేయాలి. ఇలా కట్టడాన్ని అపరాహ్ణ సమయంలో (అహ్నం అంటే పగలు. అపరం అంటే మధ్యాహ్నం 12 దాటాక. కాబట్టి అపరాహ్ణం అంటే 12 నుండి 3 గంటల మధ్య అని అర్థం) మాత్రమే చేయాలి. ఈ విధానాన్ని గర్గ్యుడనే మహర్షి చెప్పాడని శాంతి కమలాకరం చెప్తోంది. కాబట్టి ఇది నేటి ఆచారం కాదనీ, ఎప్పటినుంచో వస్తున్న సంప్రదాయమేనని తెలుస్తోంది. రక్షాబంధనం కట్టడం పూర్తయింది కదా అని ఇక వదిలేయకూడదు. మాటకి కట్టుబడి ఆ సంవత్సరకాలం పాటూ ఆమెకి అండగా నిలవాలి.

మరో ముఖ్య విశేషమేమిటంటే ఇది కేవలం స్త్రీలు మాత్రమే కట్టాలనే నియమం లేదు. స్త్రీలకి స్త్రీలూ పురుషులకి పురుషులూ కూడా కట్టుకోవచ్చు. అండగా నిలవాలనే పవిత్రోద్దేశ్యం ఉంటే ఎవరు ఎవరికైనా రాఖీ కట్టొచ్చు.

రక్షాబంధనం కట్టే సమయంలో ఈ కింది శ్లోకం చదవాలి.
యేన బద్ధో బలీరాజా దానవేంద్రో మహాబలః
తేన త్వామపి బధ్నామి రక్షే! మా చల మాచల!

రాక్షసులకి రాజు, మహాబలవంతుడైనబలి చక్రవర్తి ఏ రక్షాబంధన శక్తి కారణంగా శ్రీహరికి వశమైపోయాడో, దేవతలంతా తమ తమ తపశ్శక్తిని శ్రీహరికి బాసటగా ఉంచుతూ రక్షికని కట్టారో.. ఆ రక్షికా శక్తి నాలో ప్రవేశించిన నేను కూడా ఈ మిత్రునికి లేదా మిత్రురాలికి ఈ రక్షికని ముడి వేస్తున్నాను. ఓ రక్షికా! రక్షణశక్తి నీనుండి తొలగకుండును గాక! అని పై శ్లోకానికి అర్థం. రాజుల కాలంలో తెల్ల ఆవాలతోనూ, అక్షతలతోనూ పూజించిన రక్షికని కుల పురోహితుడు (ఇంటి పురోహితుడు) ఆ దేశపు రాజు ముంజేతికి ముడి వేసేవాడు. చక్కని సూచనలనిస్తూ ఉపాయాలు చెప్తూ రక్షిస్తూ ఉంటానని భావం. ఈ సంప్రదాయాన్ని ఒక పండుగలా జరుపుకోవడంతో మాత్రం సరిపెట్టకూడదు. అందులోని అంతస్సూత్రాన్ని అర్థం చేసుకుని, దానిని ఆచరణలో పెట్టాలి. అప్పుడే సామాజిక శ్రేయస్సు పరిఢవిల్లుతుంది.

Search

Latest Updates

© Copyright 2020. All Rights Reserved