కన్నుల పండుగగా ‘సవారి’ ప్రి రిలీజ్ ఈవెంట్

కన్నుల పండుగగా ‘సవారి’ ప్రి రిలీజ్ ఈవెంట్

నందు, ప్రియాంకా శర్మ జంటగా నూతన దర్శకుడు సాహిత్ మోత్కూరి రూపొందించిన ‘సవారి’ సినిమా ప్రి రిలీజ్ ఈవెంట్ సోమవారం రాత్రి హోటల్ దసపల్లా కన్వెన్షన్స్ లో కన్నుల పండుగగా జరిగింది. ఈ చిత్రాన్ని కాల్వ నరసింహస్వామి ప్రొడక్షన్స్ పతాకంపై సంతోష్ మోత్కూరి, నిషాంక్ రెడ్డి కుడితి సంయుక్తంగా నిర్మిస్తున్నారు. ఫిబ్రవరి 7న సినిమా విడుదలవుతోంది. చిత్రసీమకు చెందిన పలువురు ప్రముఖులు ప్రి రిలీజ్ ఈవెంట్ కు అతిథులుగా విచ్చేసి, సినిమా యూనిట్ కు శుభాకాంక్షలు తెలిపి, ‘సవారి’ బ్లాక్ బస్టర్ హిట్ కావాలని ఆకాక్షించారు. ‘సవారి’ బిగ్ టికెట్ ను హీరోలు కార్తికేయ, విష్వక్ సేన్ సంయుక్తంగా లాంచ్ చేశారు. ఇద్దరూ రూ. 10 వేలకు టికెట్లను కొనుగోలు చేశారు.
నిర్మాత బెక్కెం వేణుగోపాల్ మాట్లాడుతూ, “చాలా రోజుల క్రితమే ఈ సినిమా చూశాను. చాలా పర్ఫెక్టుగా తయారైంది. ఒక డైరెక్టర్ కి మంచి ఆర్టిస్టులు దొరికితే ఎలా ఉంటుందో ఈ సినిమాలో హీరోగా నందు చూపించాడు. అతని నటన చూసి నేను చాలా ఆశ్చర్యపోయా. అలాగే హీరోయిన్ ప్రియాంకా శర్మ నటన కూడా నన్ను ఆశ్చర్యపరిచింది. బెస్ట్ యాక్ట్రెస్ అనిపించింది. శేఖర్ చంద్ర మ్యూజిక్ ఇచ్చిన అన్ని పాటలూ బాగున్నాయి. కచ్చితంగా ప్రేక్షకుల్ని ఎంటర్టైన్ చేస్తుంది. సాహిత్ పడ్డ కష్టానికి ఈ సినిమా సక్సెస్ అవ్వాలి, అతనికి డబ్బులు రావాలి” అని చెప్పారు.
నిర్మాత రాజ్ కందుకూరి మాట్లాడుతూ, “సవారి అనేది చాలా పెప్పీ టైటిల్. ఆ పేరు వినగానే చాలా బాగా అనిపించింది. ట్రైలర్ చూస్తే, సాహిత్ లో బాలీవుడ్ శైలి డైరెక్టర్ కనిపించాడు. పాయింట్ కొత్తగా ఉంది. నందు సూపర్ టాలెంటెడ్ యాక్టర్. తనకి చక్కటి అందం, ఒడ్డూ పొడుగా, ప్రతిభ అన్నీ ఉన్నాయి. ఇప్పుడతనికి బ్లాక్ బస్టర్ కొట్టే టైమొచ్చింది. ‘సవారి’తో అది అవుతుందని అనుకుంటున్నా. స్క్రీన్ మీద ప్రియాంక్ అద్భుతంగా ఉంది” అన్నారు.
నిర్మాత శరత్ మరార్ మాట్లాడుతూ, “నందు నాకు స్పెషల్ ఫ్రెండ్. అతనితో నాకు సన్నిహిత అనుబంధం ఉంది. ఇటీవల నేను చూసిన చక్కని సినిమా టీజర్, ట్రైలర్లలో ‘సవారి’ సినిమావి ఉన్నాయి. లిమిటెడ్ బడ్జెట్ లో ఇంత చక్కని ఫిల్మ్ తీసిన సాహిత్, అతని బృందానికి అభినందనలు. టీజర్, ట్రైలర్ చూసినప్పుడే వాటిలోని విజువల్స్ మన మైండ్ లో నిలిచిపోయేట్లు ఉన్నాయి. సాహిత్ డైరెక్షన్ లో కన్విక్షన్, కాన్ఫిడెంట్ కనిపిస్తున్నాయి. శేఖర్ చంద్ర పాటలతో ఇప్పటికే ఈ సినిమా విన్నర్ అయ్యింది” అని చెప్పారు.
కమెడియన్, డైరెక్టర్ శ్రీనివాస్ రెడ్డి మాట్లాడుతూ, “ట్రైలర్ చూస్తుంటే చాలా ఆసక్తికరంగా అనిపించింది. నేను ‘ఇడియట్’లో అండర్ వేర్ తో నటించాక, మళ్లీ ఇప్పుడు నందు అలా నటించాడు. శేఖర్ చంద్ర మ్యూజిక్ ఇచ్చిన ప్రతి సినిమా పాటలూ సిక్సరే. సినిమా విజయం సాధిస్తుందని ఆశిస్తున్నా” అన్నారు.
గేయరచయిత కాసర్ల శ్యామ్ మాట్లాడుతూ, “ఈ సినిమాకు హిట్ కళ కనిపిస్తోంది. సాహిత్ ఈ సినిమా కోసం అందర్నీ మోశాడు. ఆయన కృషికి కచ్చితంగా ఫలితం లభిస్తుంది. సినిమా హిట్టు కావాలని మనస్ఫూర్తిగా కోరుకుంటున్నా” అన్నారు.
సింగర్ రాహుల్ సిప్లిగంజ్ మాట్లాడుతూ, “ఇందులో శేఖర్ చంద్ర నాచేత పాడించిన పాట ఇవాళ ఎక్కడ దావత్ జరుగుతుంటే అక్కడ వినిపిస్తోంది. కాసర్ల శ్యామ్ చాలా బాగా దాన్ని రాశారు. నందుకు ఈ సినిమా బ్లాస్టింగ్ హిట్ కావాలని కోరుకుంటున్నా” అన్నారు.
మ్యూజిక్ డైరెక్టర్ శేఖర్ చంద్ర మాట్లాడుతూ, “సినిమాలోని అన్ని పాటల్నీ సంగీతప్రియులు ఎంకరేజ్ చేస్తున్నారు. నేనిచ్చిన ట్యూన్స్ కి కాసర్ల శ్యామ్ రాసిన పాట చూసి దీనికి ఇంత కిక్ వస్తుందా అని నేనే ఆశ్చర్యపోయా. పూర్ణాచారి ఎంతో చక్కని మెలోడీ సాంగ్ రాశారు. సూఫీ సాంగ్ ను శ్రీరాం, సవారీ టైటిల్ సాంగ్ ను రామాంజనేయులు చాలా బాగా రాశారు. డైరెక్టర్ మంచి సందర్భాలు, మంచి కథ ఇవ్వడం వల్లే పాటలూ బాగా వచ్చాయి. సోషల్ మీడియాలో, ముఖ్యంగా టిక్ టాక్ లో ఈ సినిమా పాటలకు పెడుతున్న వీడియోలు చూస్తుంటే నాకు అవార్డులు తీసుకున్నంత ఆనందగా అనిపిస్తోంది. సినిమా తప్పకుండా హిట్టవుతుందని ఆశిస్తున్నా. నందు ఇలా నటిస్తాడని నేను ఊహించలేదు” అని చెప్పారు.

డైరెక్టర్ సాహిత్ మోత్కూరి మాట్లాడుతూ, “ఈ సినిమాను మా అన్నయ్య సంతోష్, మా ఫ్రెండ్ నిషాంక్ ఖర్చుకు వెనకాడకుండా నిర్మించారు. యు.ఎస్.లో ఈ సినిమా 25 స్క్రీన్స్ లో రిలీజవుతోంది. గత 25 రోజులుగా మా యూనిట్ మెంబర్స్ ఎవరూ నిద్రపోకుండా ఈ సినిమా కోసం కష్టపడుతూ వస్తున్నారు. మోనిష్ భూపతిరాజా సినిమాటోగ్రఫీ వల్లే విజువల్స్ ఇంత బాగా వచ్చాయి. షూటింగ్ పూర్తయిన దగ్గర్నుంచీ నాకంటే ఎక్కువగా ఎడిటర్ సంతోష్ పనిచేస్తూ వచ్చాడు. నేను సినిమా డైరెక్షన్ చేయాలనుకున్నప్పుడే శేఖర్ చంద్రను మ్యూజిక్ డైరెక్టర్ గా అనుకున్నా. చాలా మంచి మ్యూజిక్ ఇచ్చారు. నందు ఒక అండర్ రేటెడ్ యాక్టర్ అని అనుకుంటున్నా. ఆడిషన్ చేసేవరకు తనలో ఇంత టాలెంట్ ఉందని నాకు తెలీదు. సీన్ ఇస్తే చింపేసేవోడు. స్క్రీన్ మీద తన పర్ఫార్మెన్స్ అదిరిపోయింది. తెలంగాణా యాసలో డైలాగ్స్ బాగా చెప్పాడు. తన పర్ఫార్మెన్స్ కు నేనైతే షాకైపోయి చాలా సార్లు క్లాప్స్ కొట్టాను. ఈ సినిమా తర్వాత తను ఇంకో స్థాయికి వెళ్తాడని గట్టిగా నమ్ముతున్నా. నా ఇండిపెండెంట్ ఫిల్మ్ ‘బందం రేగడ్’లో చేసిన ప్రియాంక ఈ సినిమాతో తనదైన ముద్ర వేస్తుందని నమ్ముతున్నా. కొత్త ఫిలింలు రావాలని అందరూ అంటుంటారు. కచ్చితంగా ‘సవారి’ కొత్త కథతో వస్తున్న మూవీ. ప్రేక్షకులు కొత్త టాలెంట్ ను ఎంకరేజ్ చేస్తారని నమ్ముతున్నాను. కచ్చితంగా హిట్ కొడతామని అనుకుంటున్నా. ఈ సినిమాను నైజాంలో ఏషియన్ ఫిలింస్ వాళ్లు, ఆంధ్రా, సీడెడ్ ఏరియాల్లో సుధా శ్రీ పిక్చర్స్ వాళ్లు రిలీజ్ చేస్తున్నారు. ఫిబ్రవరి 7న మా సినిమాని థియేటర్లలో చూడండి” అని చెప్పారు.
హీరోయిన్ ప్రియాంకా శర్మ మాట్లాడుతూ, “సాహిత్ గారు నా కెరీర్ లోని మోస్ట్ మెమరబుల్ ఫిలింస్ లో ఒకటిగా నిలిచే ‘సవారి’ని ఇచ్చారు. నందు చాలా సపోర్ట్ చేసే, ఎంకరేజ్ చేసే సహనటుడు. ఇలాంటి హీరో, డైరెక్టర్, టీం లభించినందుకు నేను చాలా లక్కీ. ఫిబ్రవరి 7న ఈ సినిమా చూసినవాళ్లు గర్వంగా ఫీలవుతారు” అన్నారు.
హీరో కార్తికేయ మాట్లాడుతూ, “నందు నటుడిగా చాలా సార్లు ప్రూవ్ చేసుకున్నాడు. అతనిది స్ఫూర్తిదాయక ప్రయాణం. నేనొచ్చి ఒకటిన్నర ఏడాదే అయినా, ఏకొంచెం తేడా వచ్చినా భయమేస్తుంటుంది. పదేళ్ల నుంచి ఫైటింగ్ స్పిరిట్ తో నందు ముందుకెళ్తున్నాడు. అతని నుంచి ఆ స్పిరిట్ ను నేర్చుకోవాలనుకుంటున్నా. ‘ఆర్ ఎక్స్ 100’లో ‘పిల్లా రా’ సాంగ్ క్లిక్ అవడంతో అది హిట్టని అర్థమైపోయింది. అలాగే ఈ సినిమాలో రెండు పాటలు బాగా క్లిక్ అయ్యాయి. అంటే ఇప్పటికే ఈ సినిమా బ్లాక్ బస్టర్ అని రాసేసి ఉంది. ట్రైలర్ చాలా బాగా క్లిక్ అయ్యింది. సినిమాల్లో షర్ట్ తీసేస్తుంటావని సాధారణంగా నన్నందరూ వెక్కిరిస్తుంటారు. అందుకని షర్ట్ విప్పడం ఆపాను. కానీ ఈ సినిమాలో నందు షర్టు, ప్యాంటు కూడా తీసేశాడు కాబట్టి నేను మళ్లీ ధైర్యంగా షర్ట్ తీసేస్తా (నవ్వుతూ). ఈ సినిమా రిలీజయ్యాక సాహిత్ ను పెద్ద పెద్ద హీరోలు అడుగుతారు. అందుకని ముందుగానే అడుగుతున్నా, నాకు ఏదైనా స్క్రిప్ట్ ఉంటే చెప్పమని. ప్రియాంక అందంగా ఉంది, ఆమె పర్ఫార్మెన్స్ చాలా బాగుంది. ఫిబ్రవరి 7న ఈ సినిమాని చూస్తాను” అన్నారు.
హీరో విష్వక్ సేన్ మాట్లాడుతూ, “ఈ సినిమాకీ, నాకూ కొన్ని కనెక్షన్లున్నాయి. మొదటి కనెక్షన్ సాహిత్. మేం కలిసి పనిచేయాల్సి ఉండింది. కానీ నేను రెండు మూడు సినిమాల్లో స్టక్కయిపోయి ఉండటం వల్ల కుదరలేదు. తను చాలా పెద్ద డైరెక్టర్ అవుతాడు. నందు, నేను దిల్ సుఖ్ నగర్ బ్యాచ్. నేను ఇంటర్లో ఉన్నప్పుడు తను జిమ్ కు వెళ్తూ సిక్స్ ప్యాక్ చేసేవాడు. ఇండస్ట్రీలో ఎవ్వరూ ఛాన్సులియ్యరు. మనమే తీసుకోవాలి. అల్రెడీ నందు తీసుకున్నాడు. నేనూ అట్లానే తీసుకున్నా. సాహిత్ కూడా ఎవరి దగ్గరా చెయ్యిచాపకుండా తన బ్రదర్, ఫ్రెండ్ తో కలిసి ఈ సినిమా చేశాడు. ఇలాంటి వాళ్లు తమ డబ్బుపెట్టి, తమ టాలెంట్ చూపించాలని గుడ్ ఇన్టెన్షన్ తో సినిమాలు తీస్తారు. మంచి ఇన్టెన్షన్ తో సినిమా తీసేవాడికెప్పుడూ తప్పు జరగదు. నేనూ అలాంటి ఇన్టెన్షన్ తోటే సినిమాల్లోకి వచ్చినా. చాలామంది విష్వక్ డబ్బులెక్కువయ్యి సినిమా తీశాడనుకుంటారు. అది తప్పు. చాలామంది దగ్గర కొంచెం కొంచెం డబ్బులు తీసుకుని, అందరికీ వాళ్ల డబ్బులు ఇచ్చేస్తే చాలనే ఇన్టెన్షన్ తో, ప్రేక్షకులకు ఒక మంచి సినిమా చూపిద్దామనే ఉద్దేశంతో సినిమా తీసినా. సాహిత్ కు కూడా అలాగే జరుగుతుంది. ఇప్పట్నుండీ నందు ట్రాక్ రికార్డ్ చాలా బాగుంటుంది. చాలామంది హీరోలతో పాటు చాలామంది కొత్త డైరెక్టర్లు వస్తున్నారు. ఆ డైరెక్టర్లకు మనం అందుబాటులో ఉంటే చాలు. శేఖర్ చంద్ర మ్యూజిక్ కు నేను అభిమానిని. ఈ సినిమా పెద్ద హిట్ కావాలని కోరుకుంటున్నా” అన్నారు.
‘సవారి’ హీరో నందు మాట్లాడుతూ, “ఫిలిం నగర్ లో సెటిల్ అవనీకి బ్యాగ్రౌండ్ ఇంపార్టెంట్ కాదు, కంటెంట్ ఇంపార్టెంట్. కార్తికేయ, విష్వక్ సేన్ అలా కంటెంట్ తో, దిల్ సుఖ్ నగర్ నుంచి వచ్చారు. నేనూ అక్కడ్నుంచి వచ్చినా. అర్హుడైన యాక్టర్ కు ఏదైనా రావాలంటే ఒక మంచి స్క్రిప్ట్ రావాలి. ఈసారి ఆ స్క్రిప్ట్ 100 శాతం వచ్చిందని పక్కాగా చెప్తున్నా. ఫిబ్రవరి 7న ‘సవారి’ రిలీజవుతోంది. ఈ సినిమాకి అసలైన హీరో సాహిత్. అసాధారణ స్క్రిప్ట్ రాశాడు. నందులో మంచి యాక్టర్ ఉన్నాడని, అతనికి చాన్స్ రావాలని చాలమంది అంటుంటారు. ఫైనల్ గా ఒకడు సాహిత్ రూపంలో ముందుకొచ్చి నాకు చాన్స్ ఇచ్చాడు. అతను నా దేవుని లెక్క. ఈ సినిమా హిట్టవుతుందని పక్కా చెప్తున్నా. సినిమా 2 గంటల 19 నిమిషాల రన్ టైమ్ వచ్చింది. షార్ప్ గా ఉంటుంది. చూసినోళ్లందరూ మెచ్చుకున్నారు. ఈ సినిమా ట్రైలర్ యూట్యూబ్ లో చూసి స్పందించిన నాగచైతన్య, సాయి ధరం తేజ్, వరుణ్ తేజ్, మంచు మనోజ్, సుకుమార్, సురేందర్ రెడ్డి గార్లకు చాలా థాంక్స్. మన సినిమా చూసి అందరూ మెచ్చుకోవాలని దేనికోసమైతే కలలు కంటున్నానో, ఎదురు చూస్తున్నానో అది ఈ సినిమాతో వచ్చిందనిపిస్తోంది. కంటెంట్ బాగుంటే ఇండస్ట్రీ సపోర్ట్ చేస్తుందని ఈ సినిమా ట్రైలర్ ప్రూవ్ చేసింది. 100 పర్సెంట్ బ్లాక్ బస్టర్ మూవీతో మీ ముందుకు వస్తున్నాం” అని చెప్పారు.

ఈ కార్యక్రమంలో నటులు వీరేన్ తంబిదొరై, శ్రీకాంత్ రెడ్డి, శివ, జీవన్, బల్వీందర్, మ్యాడీ, టీఎన్నార్, గేయరచయితలు పూర్ణాచారి, రామాంజనేయులు, సింగర్ నోయల్, ఎడిటర్ సంతోష్ మీనం తదితరులు మాట్లాడారు.

హీరో వడ్డే నవీన్ కుమారుడు వడ్డే జిష్ణు పంచకట్టు వేడుక

ప్రముఖ హీరో వడ్డే నవీన్ కుమారుడు వడ్డే జిష్ణు పంచకట్టు వేడుక ఇటీవల హైదరాబాద్ మాదాపూర్ లోని ఆవాస హోటల్ లో అత్యంత వైభవంగా జరిగింది. ఈ కార్యక్రమానికి పలువురు సినీ ప్రముఖులు హాజరై చిరంజీవి జిష్ణుకు శుభాశీస్సులు అందజేశారు.

మెగాస్టార్ చిరంజీవి, శ్రీమతి సురేఖా చిరంజీవి, కళాబంధు డాక్టర్ టి.సుబ్బరామిరెడ్డి, ప్రముఖ నిర్మాత , నటులు మురళీమోహన్, సునీల్, వేణు, హీరో శ్రీకాంత్ ఆయన సతీమణి ఊహ, నగరి ఎమ్మెల్యే ప్రముఖ నటీమణి రోజా, శివాజీ రాజా, ప్రముఖ నిర్మాత సి.కళ్యాణ్, రాశి, హేమ, బిగ్ బాస్ విన్నర్ శివ బాలాజీ ఆయన సతీమణి మధులత తదితరులు ఈ వేడుకకు హాజరయ్యారు.
ప్రముఖ నిర్మాణ సంస్థ విజయ మాధవి పిక్చర్స్ అధినేతలైన వడ్డే సోదరులు కీర్తిశేషులు వడ్డే శోభనాద్రి, వడ్డే రమేష్ ల దివ్యాశీస్సులతో జరిగిన ఈ కార్యక్రమానికి వడ్డే సంస్థలలో
పనిచేస్తున్న ఉద్యోగులు, బంధుమిత్రులు పెద్ద సంఖ్యలో పాల్గొన్నారు.

`జాను` సినిమాను చూసిన ప్రేక్ష‌కులు ఎగ్జయిట్‌మెంట్‌తో సినిమాకు క‌నెక్ట్ అవుతారు : దిల్‌రాజు

`జాను` సినిమాను చూసిన ప్రేక్ష‌కులు ఎగ్జయిట్‌మెంట్‌తో సినిమాకు క‌నెక్ట్ అవుతారు : దిల్‌రాజు

శర్వానంద్‌, సమంత అక్కినేని హీరో హీరోయిన్లుగా నటిస్తోన్న హార్ట్‌ టచింగ్‌ లవ్‌స్టోరీ ‘జాను’. ప్రముఖ నిర్మాణ సంస్థ శ్రీ వెంకటేశ్వర క్రియేషన్స్‌ బ్యానర్‌పై సి.ప్రేమ్‌ కుమార్‌ దర్శకత్వంలో హిట్‌ చిత్రాల నిర్మాత దిల్‌రాజు, శిరీష్‌ ఈ చిత్రాన్ని నిర్మిస్తున్నారు. ఈ సినిమాను ఫిబ్రవరి 7న విడుదల చేస్తున్నారు. ఈ సంద‌ర్భంగా నిర్మాత దిల్‌రాజుతో ఇంట‌ర్వ్యూ…

రీమేక్‌ల‌కు మీరు వ్య‌తిరేక‌మా?

– రీమేక్ సినిమాలు చేయ‌కూడ‌ద‌ని కాదు.. దిల్ సినిమా నుండి స్క్రిప్ట్‌లో కూర్చునేవాడిని. అలా ట్రావెల్ చేస్తే ఆ మేజిక్ బావుంటుంద‌ని నేను ఎప్పుడూ రీమేక్‌ల గురించి ఆలోచించ‌లేదు. మ‌ధ్య‌లో `ప్రేమ‌మ్‌`, `బెంగ‌ళూర్ డేస్` చిత్రాల‌ను తెలుగులో రీమేక్ చేయాల‌ని అనుకున్నాను. వాటిని చూసిన‌ప్పుడు ఎగ్జ‌యిట్ అయ్యాను. ముఖ్యంగా `బెంగళూరు డేస్` సినిమా రీమేక్ చేయ‌డానికి చాలా వ‌ర్క‌వుట్ చేశాను. అప్పట్లో నాని, శ‌ర్వా ఇద్ద‌రూ ఆ సినిమాలో చేస్తామ‌ని చెప్పారు. అయితే మూడో క్యారెక్ట‌ర్ ఎందుక‌నో మాకు శాటిస్పాక్ష‌న్‌గా అనిపించ‌లేదు. సరే! ఎందుక‌లే అని డ్రాప్ అయ్యాం. త‌ర్వాత `ప్రేమ‌మ్` చేద్దామ‌ని అనుకుంటే సితార ఎంట‌ర్‌టైన్‌మెంట్స్ నాగ‌వంశీ అన్నా! నేను రీమేక్ చేసుకుంటా అన్నాడు. స‌రేనని అప్పుడు కూడా కామ్ అయ్యాను. రీమేక్ చేయాలంటే ఎక్స్‌ట్రార్డిన‌రీ ఫీలింగ్ రావాలి. ఈ సినిమాను మ‌నం మిస్ అవ‌కూడ‌ద‌నే ఫీలింగ్ వ‌చ్చిన‌ప్పుడే రీమేక్ చేయాలి. యాదృచ్చికంగా ఈ ఏడాది మూడు సినిమాలు రీమేక్ చేస్తున్నాం. త‌మిళ `96` చిత్రాన్ని తెలుగులో `జాను`గా రీమేక్ చేస్తుంటే..తెలుగులో హిట్ట‌యిన జెర్సీని హిందీలో రీమేక్ చేస్తున్నాం. అలాగే హిందీ చిత్రం `పింక్‌`ను తెలుగులో రీమేక్ చేస్తున్నాం. ఈ మూడు హార్ట్ ట‌చింగ్ మూవీస్‌. దేనికి అదే ప్ర‌త్యేక‌మైన సినిమా. `జాను` విష‌యానికి వ‌స్తే.. త‌మిళ చిత్రం `96` టీజ‌ర్‌ను చూడ‌గానే ఆస‌క్తిగా అనిపించింది. అప్ప‌టి నుండి నేను దాన్ని ఫాలో అవుతూ వ‌చ్చాను. మా నెల్లూరు డిస్ట్రిబ్యూట‌ర్ హ‌రి ద్వారా నిర్మాత‌ను సంప్ర‌దించాను. ప్రివ్యూ చూశాను. నేను, హ‌రి సినిమా చూశాం. నాకు త‌మిళంలో పెద్ద‌గా అర్థం కాదు.. కానీ సినిమా చూస్తున్న‌ప్పుడు నాకు విప‌రీత‌గా ఎక్కేసింది. థియేటర్ బ‌య‌ట‌కు రాగానే.. అక్క‌డే నిర్మాతతో మాట్లాడాను. తెలుగులో నేను రీమేక్ చేయాల‌నుకుంటున్నానని చెప్పాను. అలా సినిమా నాకు బాగా ఎక్కేసింది.

సినిమా అంత బాగా న‌చ్చ‌డానికి ప్ర‌త్యేక‌మైన కార‌ణ‌మేమైనా ఉందా?
– ప్ర‌త్యేక‌మైన కార‌ణమేమీ లేదు. సినిమాలో ఫ్లో ఉంది. అద్భుత‌మైన సన్నివేశాలున్నాయి. అంతే కాకుండా.. చిన్న‌ప్ప‌టి ఫ్రెండ్స్‌, రీ యూనియ‌న్ అన‌గానే మ‌నం పాత రోజుల‌కు వెళ్లిపోతాం. సాధార‌ణంగా ల‌వ్, క్ర‌ష్ ఉంటుంది. అది బ్రేక‌ప్ అయిపోతుంది. ప‌ద‌వ త‌ర‌గ‌తి ప్రేమ అనేది ఎప్పుడూ స‌క్సెస్ కాదు. అలాంటి ప్యూరిటీ ఉన్న ప్రేమ‌క‌థ 96. అలాంటి ప్రేమ‌క‌థ ఉన్న‌వారంద‌రూ క‌నెక్ట్ అవుతారు. అదే చూసే ఎగ్జ‌యిట్ అవుతారు. ఇది తెలుగు ప్రేక్ష‌కుల‌కు త‌ప్ప‌కుండా క‌నెక్ట్ అవుతుంద‌ని సినిమా చూస్తున్న‌ప్పుడే అనిపించింది.

రీమేక్ చేసేట‌ప్పుడు మాతృక‌లోని మేజిక్ క్రియేట్ అవుతుందో కాదోన‌నే టెన్ష‌న్ ఫీల‌య్యారా?
– నేను చేసిన మంచి పనేంటంటే త‌మిళ సినిమాను డైరెక్ట్ చేసిన ప్రేమ్‌కుమార్‌నే ఈ సినిమాకు తీసుకురావ‌డం. హ‌లోగురు ప్రేమ‌కోస‌మే కెమెరామెన్ విజ‌య్ కె.చ‌క్ర‌వ‌ర్తి నేను 96 సినిమా చూడ‌టానికి చెన్నై వెళుతున్నాన‌ని తెలియ‌గానే.. ఆ సినిమా డైరెక్ట‌ర్ ఎవ‌ర‌నుకుంటున్నారు? మ‌న ఆర్య సినిమాకు అసిస్టెంట్ కెమెరామెన్‌గా ప‌నిచేశాడ‌ని చెప్పాడు. ప్రివ్యూ చూసిన‌ప్పుడు నిర్మాత‌తో పాటు డైరెక్ట‌ర్‌తోనూ మాట్లాడాను. మీకు ఆస‌క్తి ఉంటే తెలుగులోనూ డైరెక్ట్ చేయ‌మ‌ని చెప్పాను. త‌మిళంలో సినిమా రిలీజ్ అయిన త‌ర్వాత ప్రేక్ష‌కుల‌తో క‌లిసి చూశాను. ఆ స‌మ‌యంలో డైరెక్ట‌ర్‌తో నువ్వు సినిమా చెయ్యాల‌ని అన్నాను.

రీమేక్ చేయాల‌నుకున్న‌ప్పుడు మీకు ఎలాంటి ఫీడ్ బ్యాక్ వ‌చ్చింది?
– నేను `96` రీమేక్ గురించి అనౌన్స్ చేయ‌గానే అదొక క్లాసిక్ ఎందుకు చెడ‌గొడుతున్నారంటూ చాలా మంది అన్నారు. హీరోల్లో నాని సినిమా చూసి సూప‌ర్బ్ మూవీ అన్నాడు. త‌ర్వాత సినిమాను బ‌న్నీకి చూపించాను. అప్ప‌టికి త‌మిళంలోనూ సినిమా రిలీజ్ కాలేదు. త‌ను సినిమా చూసొచ్చిన త‌ర్వాత క్లాసిక్ మూవీ అన్నాడు. అప్పుడు నాకు న‌మ్మ‌కం పెరిగింది.

రీమేక్ చేసే సంద‌ర్భాల్లో మీరెలాంటి టెన్ష‌న్ ప‌డ్డారు?
– త‌మిళంలో `96` సినిమాకు అప్రిషియేష‌న్‌తో పాటు అద్భుత‌మైన కలెక్ష‌న్స్ వ‌చ్చాయి. సినిమా ఆడియెన్స్‌కు ఎంత క‌నెక్ట్ అయ్యిందంటే చాలా మంది తెలుగు వాళ్లు కూడా ఈ సినిమా రింగ్ టోన్‌ను పెట్టుకున్నారంటే అర్థం చేసుకోవ‌చ్చు. ప్రేమ్‌తో డిస్క‌ష‌న్ చేస్తున్న‌ప్పుడు తెలుగు ప్రేక్ష‌కుల అభిరుచికి త‌గ్గ‌ట్టు ఐదారు పాయింట్స్ చేంజ్ చేస్తే బావుంద‌నుకున్నాం. అలాగే చేంజ‌స్ చేశాం. కంపేరిజ‌న్ వ‌స్తాయ‌ని.. స‌మంత అయితే భ‌య‌ప‌డింది. అలాగే శ‌ర్వాను కూడా ఒప్పించాను. ఈ సినిమాకు ఒక మీట‌ర్ ఉంది. కాబ‌ట్టి డైరెక్ట‌ర్‌ను మేకింగ్ ప‌రంగా ఎక్క‌డా తొంద‌ర‌పెట్టలేదు. సినిమాను ఓ హృద‌యంతో చూశాను. రేపు త‌మిళంలో సినిమాను చూసిన ఆడియెన్స్ కూడా అదే ఫీల్ అవుతారు.

త‌మిళంలో స‌న్నివేశాల‌ను తెలుగు మేకింగ్‌లో ఉప‌యోగించారా?
– లేదు.. ఫ్రెష్ సినిమా చేసిన‌ట్లు చేశాను. త‌మిళంలో చూసిన‌ప్పుడు ఎలా ఫీల‌య్యానో.. తెలుగులో చూసిన‌ప్పుడు అలాగే ఫీ

స‌మంత గురించి ?
– ముందు `జాను`లో న‌టించ‌డానికి భ‌య‌ప‌డ్డ స‌మంత‌.. షూటింగ్ స్టార్ట్ అయిన రెండు రోజుల త‌ర్వాత ప్ర‌తిరోజూ మేజిక్ జ‌రుగుతుందంటూ నాకు మెసేజ్‌లు పెట్టింది. మీరు న‌న్ను ఒప్పించ‌కుంటే.. నేను చాలా మిస్ అయ్యుండేదాన్ని అని కూడా చెప్పింది. స‌మంత‌, శ‌ర్వానంద్ ఇద్ద‌రూ చిన్న‌వాళ్లేం కాదు.. సినిమాను ఓన్ చేసుకుని అద్భుతంగా న‌టించారు.

ఇప్పుడు రీమేక్ .. స‌్ట్ర‌యిట్ సినిమాల్లో ఏదీ చేయ‌డం సుల‌భ‌మ‌నుకుంటున్నారు?
– స్ట్ర‌యిట్ సినిమా చేయ‌డ‌మే సుల‌భం

డైరెక్ట‌ర్ ప్రేమ్‌కుమార్ గురించి?
– సాధార‌ణంగా ఓ డైరెక్ట‌ర్ ఓ సినిమాను చేసిన త‌ర్వాత అదే సినిమాను మ‌రోసారి చేస్తున్న‌ప్పుడు అక్క‌డేం చేశాడు..ఇక్క‌డేం చేస్తున్నాడ‌ని చూస్తాం. ప్రేమ్ ఆ విష‌యంలో ఎలాంటి డిస‌ప్పాయింట్ కాలేదు. విజ‌య్ సేతుప‌తి ఎక్స్‌ట్రార్డిన‌రీ పెర్ఫామ‌ర్‌. శ‌ర్వానంద్ చాలా హ్యాపీ. స‌మంత ఎలాగూ చేస్తుందని…శ‌ర్వా విష‌యంలో ప్రేమ్ కాస్త టెన్ష‌న్ ప‌డేవారు. విజ‌య్ సేతుప‌తి మ్యాచ్ చేయ‌డం అంత సుల‌భం కాదు.. అయితే శ‌ర్వా క‌థ‌ను ఓన్ చేసుకుని అద్భుతంగా బాలెన్స్ చేశాడు. సినిమా చూసిన త‌ర్వాత త‌ను నాపై న‌మ్మ‌కంతో ఒక‌రోజు మాత్ర‌మే టైమ్ తీసుకుని సినిమాకు ఓకే చెప్పేశాడు.

త్రిష తెలుగు ప్రేక్ష‌కుల‌కు కూడా సుప‌రిచితురాలే క‌దా! ఆమెను ఎందుకు తీసుకోలేదు?
– నేను సినిమా చూస్తున్న‌ప్పుడు స‌మంతే గుర్తుకొచ్చింది. ఇక త‌మిళంలో చేసిన త్రిష‌తోనే మ‌ళ్లీ చేస్తే అందులో మేజిక్ ఏముంటుంది?. అందుక‌నే స‌మంత‌ను తీసుకున్నాను.

సంక్రాంతి సినిమాల గురించి చెప్పండి?
– ఈ సంక్రాంతి తెలుగు సినిమా ఇండ‌స్ట్రీ గెలిచింది. ఎందుకంటే ఇద్ద‌రు స్టార్స్ క్రేజీ సినిమాలు ఒకేసారి ప్రేక్ష‌కుల ముందుకు వ‌చ్చాయి. ఇద్ద‌రు స్టార్స్ ప్రేక్ష‌కుల ముందుకు వ‌చ్చిన‌ప్పుడు ఇద్ద‌రూ హిట్ అవుతారు లేక‌పోతే యావ‌రేజ్ అవుతారు.. లేదా ఒక‌రే అవుతారు. కానీ ఈసారి సంక్రాంతి సినిమాలు ఇద్ద‌రు హీరోల‌కు కెరీర్ బిగ్గెస్ట్ బ్లాక్ బ‌స్ట‌ర్‌గా నిలిచాయి . రెండు సినిమాల‌కు సెన్సేష‌న‌ల్ ఫిగర్స్ వ‌చ్చాయి. స‌రైన సినిమాలొస్తే ఇలా ఉంటుందా? అని మాకే మైండ్ బ్లాక్ అయ్యాయి.

ప్ర‌భాస్ సినిమాకు `జాన్` అనే టైటిల్ విన‌ప‌డుతుందిగా?
– టైటిల్ విష‌యంలో ప్ర‌భాస్‌, యువీ క్రియేషన్స్‌కు స్పెష‌ల్ థ్యాంక్స్‌. నిజానికి మా సినిమాకు జాను అనే టైటిల్ పెట్టాల‌నుకున్న‌ప్పుడు.. వంశీని సంప్ర‌దించాను. తాను కాస్త స‌మ‌యం తీసుకున్నా..`జాను` టైటిల్‌ను పెట్టుకోమ‌ని అన్నాడు. వారి సినిమా రిలీజ్‌కు టైమ్ ఉంద‌ని వాళ్లు ఒప్పుకున్నారు. ప్ర‌స్తుతం వాళ్ల సినిమాకు జాన్ అనే టైటిల్ అనుకుంటున్నారు. అయినా ఇప్పుడు సినిమాకు నాలుగు వారాల లైఫే. ఫిబ్ర‌వ‌రి త‌ర్వాత జాను సినిమా గురించి ప్రేక్ష‌కులు మ‌రిచిపోతారు. త‌ర్వాత వాళ్లు జాన్ అనే టైటిల్‌ను అనౌన్స్ చేస్తే ప్రేక్ష‌కులు దాన్నే ఫాలో అవుతారు. ఎందుకంటే అది ప్ర‌భాస్ సినిమా.

`పింక్‌` రీమేక్ గురించి?
– ప‌వ‌న్‌క‌ల్యాణ్‌గారితో సినిమా చేయాల‌ని ఎప్ప‌టి నుండో అనుకుంటే ఇప్ప‌టికి కుదిరింది. పింక్ సినిమాను రీమేక్ చేస్తున్నాం. ఈ సినిమా టైటిల్‌పై ప‌లు వార్త‌లు వ‌స్తున్నాయి. సినిమాను మే 15న విడుద‌ల చేయాల‌ని అనుకుంటున్నాం. మే 11న గ‌బ్బ‌ర్ సింగ్ విడుద‌లైంది. కాబ‌ట్టి స‌మ్మ‌ర్‌లోనే రావాల‌ని అనుకుంటున్నాం. టైటిల్ విష‌యంలో అధికారికంగా ఏమీ అనుకోలేదు. ఉగాది టైటిల్‌ను అనౌన్స్ చేస్తాం. `వి` సినిమా రిలీజ్ అయిన త‌ర్వాత ప‌వ‌న్ సినిమా ప్ర‌మోష‌న్స్ గురించి ఆలోచిస్తాం. హిందీ, త‌మిళంలో చూసిన‌ట్టు కాకుండా సినిమాను మ‌రో కోణంలో చూపిస్తాం.

మ‌హేష్‌తో సినిమా ఎప్పుడు?
– వంశీ పైడిప‌ల్లి ద‌ర్శ‌క‌త్వంలో మ‌హేశ్‌గారితో సినిమా ఉంటుంది. మ‌హేశ్‌గారు నెక్ట్స్ సినిమా అదే. స్క్రిప్ట్ రెడీ అవుతుంది. అంతా ఓకే అయిన త‌ర్వాత సినిమా టేకాఫ్ అవుతుంది.

న‌వీన్ చంద్ర హీరోగా నేను లేని నా ప్రేమ‌క‌థ‌

న‌వీన్ చంద్ర హీరోగా నేను లేని నా ప్రేమ‌క‌థ‌

విభిన్న‌మైన పాత్ర‌లు ఎంచుకుని మ‌రీ సెల‌క్ట్ గా సినిమాలు చేస్తూ త‌న‌కంటూ న‌టుడిగా ప్ర‌త్యేఖ స్థానం సంపాయించుకున్న న‌వీన్ చంద్ర హీరోగా ఒ కొత్త‌ర‌కం ప్రేమ క‌థా చిత్రం త్వ‌ర‌లో ప్రేక్ష‌కుల ముందుకు రానుంది. ఈ చిత్రాన్ని ఎమ్ ఎస్ సుబ్బల‌క్ష్మి స‌మ‌ర్ప‌ణ‌లో త్రిషాల ఎంట‌ర్‌టైన్‌మెంట్స్ బ్యాన‌ర్ పై క‌ళ్యాణ్ కందుకూరి నిర్మాత‌గా సురేష్ ద‌ర్శ‌క‌త్వం లో రూపోందిన చిత్రానికి టైటిల్ గా నేను లేని నా ప్రేమ‌క‌థ టైటిల్ ని ఖ‌రారుచేశారు. ఈ సినిమాలో న‌వీన్ చంద్ర స‌ర‌స‌న గాయ‌త్రి ఆర్ సురేష్ హీరోయిన్ గా చేస్తుంది. క్రిష్ సిద్దిప‌ల్లి, అదితి లు మ‌రో ముఖ్య పాత్ర‌ల్లో న‌టించారు. ఈ చిత్రంల ప్ర‌ముఖ న‌టుడు రాజార‌వీంద్ర కీల‌క పాత్ర‌లో న‌టించారు. ఈ చిత్రం యెక్క మెద‌టి లుక్ టైటిల్ ని లాంచ్ చేశారు.

ఈ సంద‌ర్బంగా నిర్మాత క‌ళ్యాణ్ కందుకూరి మాట్లాడుతూ.. చాలా రొజుల త‌రువాత ఓ ఫ్రెష్ ల‌వ్ స్టోరి తో ద‌ర్శ‌కుడు సురేష్ మా ద‌గ్గ‌ర‌కి రావ‌టం జ‌రిగింది. విన్న‌వెంట‌నే చాలా కొత్త‌గా అనిపించింది. కాన్సెప్ట్ కి క‌నెక్ట్ అయ్యాను. నేనే కాదు ఈ సినిమా చూసిన ప్ర‌తిఓక్క‌రూ వారి వారి ప్రేమ క‌థ‌కి కి ద‌గ్గ‌ర‌వుతారు. న‌వీన్ చంద్ర‌, హీరోయిన్ గాయ‌త్రి ఆర్ సురేష్ వారి పాత్ర‌ల్లో ఇమిడిపోయి న‌టించారు. ఈ సినిమాకి జువిన్ సింగ్ సంగీతం ఆక‌ట్టుకుంటుంది. ప్ర‌త్యేఖంగా రాజార‌వీంద్ర పాత్ర అంద‌ర్ని ఆక‌ట్టుకుంటుంది. ఈ చిత్రం యెక్క మెద‌టి టైటిల్ లుక్ టీజ‌ర్ ని పోస్ట‌ర్ ని విడుద‌ల చేశాము. టైటిల్ కి చాలా మంచి రెస్పాన్స్ రావ‌టం చాలా ఆనందంగా వుంది. త్వ‌ర‌లో ఈ మెద‌టి లుక్, మెద‌టి లుక్ టీజ‌ర్ ని విడుద‌ల చేస్తాము.. అని అన్నారు..

ద‌ర్శ‌కుడు సురేష్ మాట్లాడుతూ.. ప్రేమ అంటే అది ప్ర‌తి ఓక్క‌రి మ‌న‌సులోని చ‌క్క‌టి ఫీలింగ్.. ఆ ఫీలింగ్ కి ఎదుట మ‌నిషికి తెలియ‌జేయ‌టం అంటే అంత ఈజీ కాదు అది ప్రేమ విష‌యం లో దేశ ప్ర‌ధాని కూడా చిన్న పిల్ల‌వాడ‌వుతాడు. అలాంటి చ‌క్క‌టి ఫీలింగ్ ని అంతే చ‌క్క‌గా తెర‌కెక్కించిన చిత్రం నేను లేని నా ప్రేమ‌క‌థ‌.. ఇలాంటి ప్రేమ‌క‌థ ని నేను ద‌ర్శ‌క‌త్వం వ‌హించ‌టం.. ఆ ఛాన్స్ నిర్మాత క‌ళ్యాణ్ గారు నాకు ఇవ్వ‌టం చాలా ఆనందంగా వుంది. ఈరోజు విడుద‌ల చేసిన ఈ టైటిల్ టీజ‌ర్ చాలా వినూత్నం గా వుంద‌ని అంద‌రూ ప్ర‌శంశించ‌టం చాలా ఆనందంగా వుంది. అంత‌పురం, ఖ‌డ్గం లాంటి అద్బుత‌మైన చిత్రాలకి పనిచేసిన ఎస్‌.కె.ఏ.భూప‌తి చాలా అద్బుతమైన విజువ‌ల్స్ అందించారు. అలాగే ఎన్నో చిత్రాల‌కి త‌న ప‌నితనంతో విజ‌యాల్ని సునాయ‌సం చేసిన ఎడిట‌ర్ ప్రవీణ్ పూడి ప‌నిత‌నం ఆక‌ట్టుకుంటుంది. అని అన్నారు.

న‌టీన‌టులు.. న‌వీన్ చంద్ర‌, గాయ‌త్రి ఆర్ సురేష్‌, క్రిష్ సిద్దిప‌ల్లి, అదితి, రాజారవీంద్ర , బందు దివిజ త‌దిత‌రులు న‌టించ‌గా..

ఎమ్ ఎస్ సుబ్బ‌ల‌క్ష్మి స‌మ‌ర్ప‌ణ‌
బ్యాన‌ర్‌.. త్రిషాల ఎంట‌ర్‌టైన్‌మెంట్స్‌
కొ-ప్రోడ్యూస‌ర్స్‌.. గూడురు వెంక‌ట్‌, గూడురు ప్ర‌సాద్‌
కెమెరా.. ఎస్‌.కె.ఏ.భూప‌తి
ఎడిట‌ర్‌.. ప్ర‌వీణ్ పూడి
మాట‌లు.. స‌భీర్ షా
సంగీతం.. జువెన్ సింగ్‌
లిరిక్స్‌.. రాంబాబు గొసాల‌
పి ఆర్ ఒ .. ఏలూరు శ్రీను, మెఘ శ్యామ్‌

Vijay Deverakonda World Famous Lover Trailer To Be Released On Feb 6

Youth sensation Vijay Deverakonda will next be seen in World Famous Lover which is all set for grand release on February 14th as Valentine’s Day special. Aishwarya Rajesh, Raashi Khanna, Catherine Tresa and Izabelle Leite are the heroines in the film directed by Kranthi Madhav and produced by KA Vallabha while KS Rama Rao presents it.

World Famous Lover Trailer date has been locked now. The makers will release the theatrical trailer of the film on February 6th at 4:05 PM, nearly a week days ahead of the theatrical release. In the announcement poster, Vijay Deverakonda and Aishwarya are seen dismayed.

Lead Cast: Vijay Deverakonda, Raashi Khanna, Aishwarya Rajesh, Catherine Tresa and Izabelle Leite.

Crew:

Story, Screenplay, Direction: Kranthi Madhav
Producer: K. A. Vallabha
Presenter: K. S. Rama Rao
Music: Gopi Sundar
Cinematography: Jaya Krishna Gummadi
Editing: Kotagiri Venkateswara Rao
Banner: Creative Commercials
PRO: Vamshi Shekar

డాన్సర్ గా ‘తలైవి’ లేటెస్ట్ లుక్

డాన్సర్ గా ‘తలైవి’ లేటెస్ట్ లుక్

త‌మిళ‌నాడు దివంగ‌త ముఖ్య‌మంత్రి జ‌య‌ల‌లిత జీవితం ఆధారంగా రూపొందుతోన్న‌ చిత్రం ‘త‌లైవి’. బాలీవుడ్‌ క్వీన్ కంగ‌నా ర‌నౌత్ టైటిల్ పాత్ర‌లో న‌టిస్తున్నారు. ఎ.ఎల్. విజయ్ డైరెక్ట్ చేస్తోన్న ఈ చిత్రంలో తమిళనాడు దివంగ‌త ముఖ్యమంత్రి, సుప్రసిద్ధ నటుడు ఎం.జి. రామ‌చంద్ర‌న్ పాత్ర‌లో ప్ర‌ముఖ న‌టుడు అర‌వింద స్వామి న‌టిస్తుండ‌గా, మ‌రో దివంగ‌త ముఖ్యమంత్రి క‌రుణానిధి పాత్ర‌లో ప్ర‌కాశ్‌రాజ్ న‌టిస్తున్నారు. చిత్రీక‌ర‌ణ శరవేగంగా జరుగుతున్న ఈ మూవీ తెలుగు, త‌మిళ‌, హిందీ భాష‌ల్లో విడుద‌ల కానున్నది.

జయలలిత ఉన్నత స్థాయి నటిగానే కాకుండా గొప్ప డాన్సర్ గానూ కీర్తి పొందారు. ఆమె పాత్రలో పరకాయప్రవేశం చేసిన కంగనా రనౌత్ లేటెస్ట్ లుక్ ను చిత్ర బృందం ఆదివారం విడుదల చేసింది. ఈ లుక్ లో శాస్త్రీయ నృత్యం చేస్తున్న భంగిమలో కంగనా అమితంగా ఆకట్టుకుంటున్నారు. చుట్టూ పలువురు డాన్సర్లు నాట్యం చేస్తుండగా, మధ్యలో జయలలితగా కంగన నాట్యం చేస్తున్న తీరు చూస్తుంటే, అది ఒక నృత్య రూపకమనే అభిప్రాయం కలుగుతోంది.

ఇప్ప‌టికే విడుద‌ల చేసిన రాజకీయ నాయకురాలిగా జ‌య‌ల‌లిత లుక్‌, టీజ‌ర్‌, ఎంజీ రామ‌చంద్ర‌న్ లుక్‌ లకు చాలా మంచి రెస్పాన్స్ వ‌చ్చింది. 2020 జూన్ 26న ‘తలైవి’ చిత్రాన్ని విడుదల చేయాలని నిర్మాతలు సంకల్పించారు. ఈ చిత్రాన్ని విష్ణు ఇందూరి, శైలేష్ ఆర్‌. సింగ్ సంయుక్తంగా నిర్మిస్తున్నారు.

‘భీష్మ’ నుంచి ‘వాటే వాటే వాటే బ్యూటీ’ గీతం విడుదల

* ‘భీష్మ’ నుంచి ‘వాటే వాటే వాటే బ్యూటీ’ గీతం విడుదల
* నిర్మాణ కార్యక్రమాలు ముగింపు దశలో ‘భీష్మ’
* ఫిబ్రవరి 21 న విడుదల

‘భీష్మ’
నితిన్,రష్మిక మందన,వెంకీ కుడుముల కాంబినేషన్ లో ప్రముఖ చలన చిత్ర నిర్మాణ సంస్థ సితార ఎంటర్ ఎంటర్ టైన్మెంట్స్ పతాకంపై యువ నిర్మాత సూర్యదేవర నాగ వంశి నిర్మిస్తున్న చిత్రం ‘భీష్మ’.
ఈ చిత్రంలోని మరో గీతం ఈరోజు అధికారికంగా సామాజిక మాధ్యమం అయిన ‘యు ట్యూబ్’ ద్వారా విడుదల అయింది. హీరో నితిన్, నాయిక రష్మిక మందన బృందంపై చిత్రీకరించిన ఈ గీతానికి జానీ మాస్టర్ నృత్య రీతులు సమకూర్చారు. పలు అందమైన సెట్స్ లో ఈ పాట చిత్రీకరణ జరిగింది. గీత రచయిత కాసర్ల శ్యామ్ సాహిత్యానికి, సంగీత దర్శకుడు మహతి స్వర సాగర్ స్వరాలూ సమకూర్చగా, గాయకుడు ధనుంజయ్, గాయని అమల చేబోలు ల గాత్రంలో ప్రాణం పోసుకుందీ పాట. ‘వాటే వాటే వాటే బ్యూటీ’ పేరుతో విడుదలయిన ఈ గీతానికి సంగీత ప్రియులనుంచి, అభిమానులనుంచి విశేష స్పందన లభించింది.
ఇప్పటికే ఈ చిత్రం నుంచి విడుదల అయిన వీడియో దృశ్యాలు, ‘సింగిల్స్ యాంధం’ గీతం వంటి వీటికి ప్రేక్షకాభిమానులనుంచే కాక, సామాజిక మాధ్యమాలలో సైతం విశేషమైన ప్రాచుర్యం లభించింది. చిత్రం షూటింగ్ పూర్తయింది. నిర్మాణ కార్యక్రమాలు ముగింపు దశలో ఉన్న ఈ చిత్రం ఫిబ్రవరి 21 న విడుదల కానుంది.
ఈ సందర్భంగా చిత్ర దర్శకుడు వెంకీ కుడుముల మాట్లాడుతూ …ఈ చిత్రం లోని మరో గీతం ఈరోజు విడుదల అయింది. ‘వాటే బ్యూటీ’ పేరుతో విడుదల అయిన ఈ గీతానికి ప్రేక్షకాభిమానులనుంచి అద్భుతమైన స్పందన లభించింది. జానీ మాస్టర్ సమకూర్చిన నృత్య రీతులు అభిమానులను అలరిస్తాయి. నితిన్,రష్మిక జంట చూడ ముచ్చటగా ఉందన్న ప్రశంసలు వెల్లువెత్తాయి. ఇప్పటికే విడుదల అయిన ఈ చిత్రం లోని వీడియో దృశ్యాలు, సింగిల్స్ యాంధం’ గీతం వైరల్ అయ్యాయి. అలాగే భీష్మ ప్రచార చిత్రాలకు కూడా ప్రేక్షకాభిమానులనుంచి విశేషమైన స్పందన లభిస్తోంది అన్నారు. ‘భీష్మ’ చిత్ర కధ,కధనాలు,సన్నివేశాలు,సంభాషణలు చాలా కొత్తగా ఉంటాయి. ప్రతి అబ్బాయి నితిన్ గారి క్యారెక్టర్ కి కనెక్ట్ అయ్యేవిధంగా డిజైన్ చెయ్యబడింది. అలాగే ప్రతి యువతి కూడా రష్మిక క్యారెక్టర్ కి కనెక్ట్ అవుతుంది. ఇది ఒక రొమాంటిక్ ఎంటర్టైనర్. వినోద ప్రధానంగా సాగుతుంది అని తెలిపారు దర్శకుడు వెంకీ కుడుముల.

నటీ,నటులు :
నితిన్,రష్మిక మండన,నరేష్,సంపత్,రఘుబాబు,బ్రహ్మాజీ,నర్రా శ్రీనివాస్,వెన్నెల కిషోర్,అనంత నాగ్,శుభలేఖ సుధాకర్,జస్సెన్ గుప్త, సత్యన్, మైమ్ గోపి, సత్య, కల్యాణి నటరాజన్,రాజశ్రీ నాయర్,ప్రవీణ తదితరులు నటిస్తున్నారు.
మ్యూజిక్ : మహతి స్వర సాగర్ , డి .ఓ .పి : సాయి శ్రీరామ్ , ఆర్ట్ డైరెక్టర్ : సాహి సురేష్,
ఎడిటర్ : నవీన్ నూలి
ఎగ్జిక్యూటివ్ ప్రొడ్యూసర్: ఎస్. వెంకటరత్నం(వెంకట్ ),
సమర్పణ : పి.డి .వి. ప్రసాద్ ,
ప్రొడ్యూసర్: సూర్యదేవర నాగ వంశి ,
కథ, స్క్రీన్ ప్లే, మాటలు, దర్శకత్వం : వెంకీ కుడుముల.

రూపేష్‌, శివల‌ క్రైమ్ థ్రిల్ల‌ర్ `22` టీజ‌ర్ చాలా ఇంట్రెస్టింగ్ గా ఉంది. సినిమా డెఫినెట్‌గా పెద్ద హిట్ అవుతుంది – కింగ్ నాగార్జున.

రూపేష్‌, శివల‌ క్రైమ్ థ్రిల్ల‌ర్ `22` టీజ‌ర్ చాలా ఇంట్రెస్టింగ్ గా ఉంది. సినిమా డెఫినెట్‌గా పెద్ద హిట్ అవుతుంది – కింగ్ నాగార్జున.

డాషింగ్‌ డైరెక్టర్‌ పూరి జగన్నాథ్‌, సెన్సేషనల్‌ డైరెక్టర్‌ వి.వి.వినాయక్‌, సూపర్‌ సక్సెస్‌ఫుల్‌ డైరెక్టర్‌ మారుతి వద్ద దర్శకత్వ శాఖలో అనుభవం సంపాదించుకున్న శివకుమార్‌ బి. కథ, స్క్రీన్‌ప్లే, మాటలు, దర్శకత్వంలో మా ఆయి ప్రొడక్షన్స్‌ పతాకంపై రూపేష్ కుమార్‌ చౌదరి, సలోని మిశ్రా హీరోహీరోయిన్లుగా రూపొందుతున్న యాక్షన్‌ థ్రిల్లర్‌ ’22’. ప్రస్తుతం పోస్ట్‌ ప్రొడక్షన్‌ కార్యక్రమాలు జరుపుకుంటోంది. ఇటీవ‌ల డాషింగ్‌ డైరెక్టర్‌ పూరి జగన్నాథ్ చేతుల‌మీదుగా విడుద‌లైన హీరో ఫస్ట్‌లుక్‌ గ్లింప్స్ కు ట్రెమండ‌స్ రెస్పాన్ వచ్చింది. తాజాగా ఈ చిత్రం టీజర్ ను 2ఫిబ్రవరి2020న ఉద‌యం 8:59 నిమిషాలకు కింగ్ నాగార్జున విడుదల చేశారు. ఈ కార్యక్రమంలో యువ సామ్రాట్ అక్కినేని నాగచైతన్య పాల్గొన్నారు. ఈ సందర్భంగా ఏర్పాటు చేసిన విలేకరుల సమావేశంలో సూపర్‌ సక్సెస్‌ఫుల్‌ డైరెక్టర్‌ మారుతి ముఖ్య అతిథిగా పాల్గొని `22` మూవీ క్యాలెండర్ ని ఆవిష్కరించారు. ఈ కార్యక్రమంలో ప్రముఖ నిర్మాత కొండా కృష్ణం రాజు పాల్గొన్నారు.

కింగ్ నాగార్జున మాట్లాడుతూ – “అందరికి ఎంతో ఇష్టమైన బి.ఎ.రాజు గారి, జయగారి అబ్బాయి శివ. జయగారు అంటే నేను ఇండస్ట్రీకి వచ్చినప్పటి నుండి చాలా ఇష్టం. వాళ్ళిద్దరితో నేను బాగా క్లోజ్ గా ఉంటాను. జయగారు ఇప్పుడు మన మధ్య లేరు కానీ వాళ్ళ అబ్బాయి డైరెక్టర్ అవుతున్నాడు అంటే చాలా హ్యాపీగా ఫీల్ అవుతారు. ఆమె అందరికి బాగా తెలిసిన మహిళా దర్శకురాలు. శివ ద‌ర్శ‌కుడిగా జయగారి పేరు నిలబెట్టాలి. అలాగే బి.ఎ.రాజు గారిది కూడా. రూపేష్ వెల్ కమ్ టు ఫిలిం ఇండస్ట్రీ. బయట ఎన్నో సక్సెస్ ఫుల్ బిజినెస్ లు ఉన్నా సినిమా అంటే ఫ్యాషన్ తో ఇండస్ట్రీ కి వచ్చాడు. ఐ విష్ యు ఆల్ ది బెస్ట్. ఇప్పుడే టీజర్ చూశాను. ఒక క్రైమ్ థ్రిల్లర్ మూవీలా చాలా ఇంట్రెస్టింగ్ గా ఉంది. టైటిల్ 22. టీజర్ విడుదలయింది 2-2-2020. అన్ని రెండులే ఉన్నాయి. న్యూమరాల‌జి ప్రకారం నాది కూడా రెండు అయినందుకు చాలా సంతోషంగా ఉంది. సినిమా చాలా పెద్ద హిట్ అవ్వాలని మనస్ఫూర్తిగా కోరుకుంటున్నాను. ఐ విష్ ఆల్ ది బెస్ట్” అన్నారు.

శివ ద‌ర్శ‌కుడిగా త‌ప్ప‌క స‌క్సెస్ అవుతాడు!!
సూపర్‌ సక్సెస్‌ఫుల్‌ డైరెక్టర్‌ మారుతి మాట్లాడుతూ – శివ ద‌ర్శ‌కుడు కావ‌డం చాలా సంతోషంగా ఉంది. ఫ‌స్ట్ కాపీ కూడా వారం రోజుల్లో రెడీ అవుతుంద‌ని చెప్పాడు. ఒక అసిస్టెంట్ డైరెక్ట‌ర్‌గా నా వ‌ద్ద‌కు వ‌చ్చి ఓ సినిమా ప్రొస్ట్ ప్రొడ‌క్ష‌న్ అంతా హ్యాండిల్ చేశాడు. రాజుగారు ఎలా ఒక సినిమా స‌క్సెస్ అవ్వాల‌ని మ‌న‌స్పూర్తిగా కోరుకొని క‌ష్ట‌ప‌డి ప్ర‌మోష‌న్ చేస్తారో… అలా శివ కూడా చాలా క‌ష్ట‌ప‌డ‌తాడు. ద‌ర్శ‌కుడుగా స‌క్సెస్ కావ‌డానికి ఈ సినిమాతో ఒక మంచి ప్ర‌య‌త్నం చేశాడు. కొత్త‌గా ద‌ర్శ‌కులు కావాల‌నుకునేవారు తొలుత ప్రేమ‌క‌థ‌ను తీయాల‌నుకుంటారు. కానీ శివ విభిన్నంగా ఆలోచించి ఓ క్రైమ్ థ్రిల్ల‌ర్ స‌బ్జెక్ట్‌ను తీసుకుని ఇంత బాగా తీశాడంటే అత‌ని మెచ్యూరిటీ లెవ‌ల్ ఏంటో తెలుస్తోంది. ఈ క‌థ‌ను న‌మ్మి, రూపేష్ హీరోగా న‌టించాడు. రూపేష్ కూడా చాలా హార్డ్ వ‌ర్క్ చేశాడ‌నిపిస్తోంది. స‌లోనితో పాటు టీమ్ అంద‌రు బాగా చేశారు. టీమ్ అంద‌రికీ ఆల్‌దిబెస్ట్‌.అలాగే నాగార్జున‌గారు కొత్త‌వారిని ప్రొత్స‌హించ‌డంలో ఎప్పుడూ ముందుఉంటారు. టీజ‌ర్ చూసి ఆయ‌న అంత మాట్లాడారు అంటే…రాజుగారిపై అభిమానం ఉన్న‌ప్ప‌టికీ టీజ‌ర్ ఆయ‌న‌తో మాట్లాడేలా చేసింది. నేను శివ చేసిన ఓ వెబ్‌సిరీస్ చూసి షాక్ అయ్యాను. టెక్నిక‌ల్‌గా బాగా చేశాడు. ఒక‌ క‌థ రాసుకుని, ఇంత త‌క్కువ స‌మ‌యంలో దాన్ని స్క్రీన్‌మీద‌కు తీసుకురావ‌డం అంత సులువు కాదు. వి.వి.వినాయ‌క్‌గారు, నేను ఈ సినిమా లాంచ్ చేశాం. అప్పుడే ఈ సినిమా టీజ‌ర్ లాంచ్‌లో పాల్గొన‌డం చాలా సంతోషంగా ఉంది. ఇలాంటి ద‌ర్శ‌కుడు ఇండ‌స్ట్రీకి చాలా అవ‌స‌రం. శివ ద‌ర్శ‌కుడిగా త‌ప్ప‌క స‌క్సెస్ అవుతాడు. కో-డైరెక్ట‌ర్ పుల్లారావుగారు ఉంటే ఆ ప్రొడక్ట్ బాగా వ‌స్తుంది. ఆయ‌న సినిమాను సినిమాలాగే చూస్తారు చాలా సిన్సియ‌ర్‌గా వ‌ర్క్ చేస్తారు. ఇలాంటి సీనియ‌ర్ ద‌ర్శ‌కులతో ప‌ని చేసే అవ‌కాశం శివ‌కు వ‌చ్చింది. ఈ సినిమాను ఫస్ట్ డే మార్నింగ్ షో చూడాల‌నుకుంటున్నాను. టీమ్ అంద‌రికీ ఆల్‌దిబెస్ట్‌“ అన్నారు.

ప్ర‌ముఖ నిర్మాత కొండా కృష్ణంరాజు మాట్లాడుతూ – “నాగార్జునగారు, పూరీ జ‌గ‌న్నాథ్‌గారు, మారుతిలాంటి ఇండ‌స్ట్రీలోని ప్ర‌ముఖులు ఈ సినిమాకు ముందుకొచ్చి శివ‌మీద వారికి ఉన్న‌ప్రేమ‌ను, న‌మ్మ‌కాన్ని తెలియ‌జేస్తుంటే శివ చాలా అదృష్ట‌వంతుడ‌నిపిస్తోంది. ఇంత‌మంది పెద్ద‌ల అశీస్సుల‌తో శివ‌కు, రూపేష్ గారికి ఈ సినిమా పెద్ద బ్రేక్ అవ్వాల‌ని, ఎంటైర్ యూనిట్‌కి ఈ ఇదొక పెద్ద సినిమా అవ్వాల‌ని మ‌న‌స్ఫూర్తిగా కోరుకుంటున్నాను. టీమ్ అంద‌రికీ ఆల్ ది బెస్ట్‌“ అన్నారు.

ఆదిత్య‌మ్యూజిక్ నిరంజ‌న్‌ మాట్లాడుతూ – “రాజుగారు, జ‌య‌గారు మొద‌టి సినిమా నుంచి మ‌మ్మ‌ల్ని ఆద‌రించి, వారి సినిమాల ఆడియో హ‌క్కుల‌ను మాకే ఇచ్చి మ‌మ్మ‌ల్ని ప్రోత్స‌హిస్తున్నారు. ఆ ప‌రంప‌ర‌ని అలాగే కొన‌సాగిస్తూ ఇప్పుడు వారి అబ్బాయి శివ‌గారు డైరెక్ట‌ర్‌గా రూపొందించిన ఈ సినిమా ఆడియో హ‌క్కుల‌ను కూడా మాకు ఇవ్వ‌డం చాలా సంతోషం. శివ‌గారికి జ‌య‌గారితో స‌హ మా అంద‌రి ఆశీస్సులు ఉన్నాయి. అలాగే బి.ఎ.రాజుగారు తోడుగా ఉన్నారు. భ‌విష్య‌త్‌లో ఇంకా మంచి సినిమాలు చేయాలి. వీరి ప‌రంప‌ర ఇలాగే మాతోనే కొన‌సాగ‌ల‌ని కోరుకుంటున్నాను. ఈ సినిమాను ముందుకు తీసుకెళ్ల‌డానికి మాకు సాధ్య‌మైనంత స‌హాయం చేస్తామ‌ని స‌భాముఖంగా తెలియ‌జేస్తున్నాను“ అన్నారు.

కో డైరెక్ట‌ర్ పుల్లారావు కొప్పినీడి మాట్లాడుతూ – “శివ ఫ‌స్ట్ క‌థ చెప్పిన‌ప్పుడు ఎంత గొప్ప‌గా ఫీల‌య్యామో, సినిమాను కూడా అంతే గొప్ప‌గా తీశాడు. సినిమా చాలా బాగా వ‌చ్చింది. టీజ‌ర్ అద్భుతంగా ఉంది. హీరోహీరోయిన్లు చాలా బాగా చేశారు. ఈ సినిమా త‌ప్ప‌క విజ‌యం సాధిస్తుందని నేను పూర్తిగా న‌మ్ముతున్నాను.

హీరో రూపేష్‌కుమార్ చౌద‌రి మాట్లాడుతూ – ` మా అయి ఈ ప్రొడ‌క్ష‌న్ బ్యాన‌ర్ లొగొ లాంచ్ కార్య‌క్ర‌మానికి మారుతిగారు వ‌చ్చి వారి ఆశీస్సులు అందించారు. మ‌ళ్లీ ఈ సినిమా క్యాలెండ‌ర్ లాంచ్ చేసినందుకు మారుతిగారికి థ్యాంక్స్‌. నాగార్జున‌గారిచేతుల మీదుగా మా సినిమా టీజ‌ర్ లాంచ్ అవ‌డం నెక్ట్స్ లెవ‌ల్ ఆనందంగా ఉంది“ అన్నారు.

చిత్ర ద‌ర్శ‌కుడు శివకుమార్‌ బి.మాట్లాడుతూ – “నాగార్జున టీజ‌ర్ చూసి చాలా ఇంప్రెస్ అయ్యారు. కొత్త ద‌ర్శ‌కుల‌ను ప్రొత్స‌హించే నాగార్జున‌గారి చేతుల మీదుగా మా టీజ‌ర్ లాంచ్ కావ‌డం చాలా అదృష్టంగా భావిస్తున్నాం. ఎంటైర్ 22టీమ్ త‌రఫున నాగార్జున‌గారికి థ్యాంక్స్‌. మారుతిగారు ఇటీవ‌ల ప్ర‌తిరోజూపండ‌గే సినిమాతో పెద్ద స‌క్సెస్ అందుకున్నారు. ఆ పండ‌గ‌ను ఈ పండ‌గ‌కి తీసుకువ‌చ్చారు. మా 22లో ఆ పండ‌గ జ‌రుగుతుంది. ఈ సినిమాకు ప‌ని చేసిన సాంకేతిక నిపుణులు అంద‌రికీ థ్యాంక్స్‌. కొండాకృష్ణంరాజుగారికి, మారుతిగారికి స్పెష‌ల్ థ్యాంక్స్‌. ఆడియో విష‌యంలో ఆదిత్య‌మ్యూజిక్ మాధ‌వ్‌గారు, నిరంజ‌న్‌గారు చాలా స‌పోర్ట్ చేశారు. క‌మ‌ర్షియ‌ల్‌గాకూడా ప్రొత్స‌హిస్తున్నారు. ఇప్పుడు ఈ టీజ‌ర్‌లాంచ్‌కి కూడా వారి స‌హ‌కారం అందించారు. క‌థ ప్ర‌కార‌మే 22 అనే టైటిల్ పెట్టాం. నాకు స‌పోర్ట్ చేస్తున్న ప్ర‌తి ఒక్క‌రికీ థాంక్స్‌“ అన్నారు.

హీరోయిన్ స‌లోని మిశ్రా మాట్లాడుతూ – ఇక్క‌డికి వ‌చ్చిన మారుతిగారికి ప్ర‌త్యేక ధ‌న్య‌వాదాలు. ఈ సినిమాలో భాగ‌మ‌వ్వ‌డం చాలా సంతోషంగా ఉంది. ఈ సినిమాలో నాకు కంఫ‌ర్ట్‌జోన్‌కు విభిన్న‌మైన మంచి పాత్ర ఇచ్చిన శివ‌గారికి థ్యాంక్స్‌. ఇదొక యాక్ష‌న్ థ్రిల్ల‌ర్‌. రూపేష్‌గారు బాగా న‌టించారు. ఈ సినిమా త‌ప్ప‌కుండా ప్రేక్ష‌కుల‌కు న‌చ్చుతుంది“ అన్నారు.

సినిమాటోగ్రాఫ‌ర్ ర‌వికిర‌ణ్ మాట్లాడుతూ -“ టీజ‌ర్ విడుద‌ల‌చేసిన నాగార్జున‌గారికి, ఇక్క‌డికి వ‌చ్చిన మారుతిగారికి థ్యాంక్స్‌. మా సినిమా పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతున్నాయి. త‌ప్ప‌కుండా అంద‌రికీ న‌చ్చుతుంది. టీమ్ అంద‌రికీ ధ‌న్య‌వాదాలు“ అన్నారు.

ఆర్ట్ డైరెక్ట‌ర్ పెద్దిరాజు మాట్లాడుతూ – “సినిమా బాగా వ‌చ్చింది. మాకు సహాయం చేసిన ప్ర‌తి ఒక్క‌రికి ధ‌న్య‌వాదాలు“ అన్నారు.

న‌టుడు కృష్ణ‌చైత‌న్య మాట్లాడుతూ – “టైటిల్ మాదిరిగానే సినిమా కూడా చాలా ఆస‌క్తిక‌రంగా ఉంటుంది. ఈ సినిమాలో శివ నాకు చాలా మంచి పాత్ర ఇచ్చారు. ఈ ఏడాదిలోనే నా కెరీర్‌లో ఇదొక బెస్ట్ క్యారెక్ట‌ర్‌ అని చెప్ప‌గ‌ల‌ను“ అన్నారు.

నిర్మాత బి.ఎ. రాజు మాట్లాడుతూ – “ఎంతోమంది కొత్త ద‌ర్శ‌కుల‌ను ప్రొత్స‌హించి, వారు ఈ రోజు మంచి స్థాయిలో ఉండ‌టానికి కార‌ణ‌మైన నాగార్జున చేతులు మీదుగా టీజ‌ర్‌ను లాంచ్ చేయించాల‌ని వారిని క‌లిశాను. మా అబ్బాయి..శివ ఓ సినిమాను
డైరెక్ట్ చేశాడు..అని చెబుతుండ‌గానే నాగార్జున‌గారు త‌ప్ప‌క లాంచ్ చేస్తాన‌ని ప్రోత్స‌హించి టీజ‌ర్ రిలీజ్ చేసి ఆశీస్సులు అందించారు. అలాగే నాగ‌చైత‌న్య‌గారు ఆల్‌ది బెస్ట్ చెప్పారు. డైరెక్ట‌ర్ మారుతి గారి దగ్గ‌ర శివ వ‌ర్క్ చేశాడు, శివ మీద అభిమానంతో మారుతి గారు విచ్చేసి క్యాలెండ‌ర్ లాంచ్ చేసినందుకు థాంక్స్‌. అలాగే మా ఆత్మీయులు కొండా కృష్ణంరాజుగారు రావ‌డం ఎంతో ఆనందం. శివ కు ద‌ర్శ‌కుడిగా అవ‌కాశం ఇచ్చిన రూపేష్ గారికి స్పెష‌ల్ థాంక్స్. ఇండస్ట్రీ ప్ర‌ముఖుల స‌పోర్ట్‌తో ఈ సినిమా ముందుకు వెళుతోంది.టీజ‌ర్ చూసిన‌వారు శివ పెద్ద ద‌ర్శ‌కుడు అవుతాడ‌ని అంటున్నారు. అది త‌ప్ప‌క జ‌ర‌గాల‌ని కోరుకుంటున్నాను. శివ‌కు జ‌య ఆశిస్సులు ఎప్పుడూ ఉంటాయి.“ అన్నారు.

రూపేష్‌ కుమార్‌ చౌదరి, సలోని మిశ్రా, విక్రమ్‌ జీత్‌ విర్క్‌, దేవిప్రసాద్‌, జయప్రకాష్‌, రవి వర్మ, శశిధర్‌ కోసూరి, ఫిదా శరణ్య, రాజశ్రీనాయర్‌, పూజా రామచంద్రన్‌, కృష్ణ చైతన్య, ఆఫ్ఘనిస్తాన్‌ రామరాజు, బేబి సంస్కృతి, మాస్టర్‌ తరుణ్‌, మాస్టర్‌ దేవాన్ష్‌, బేబి ఓజల్‌ తదితరులు నటిస్తున్న ఈ చిత్రానికి
సినిమాటోగ్రఫీ : బి.వి. రవికిరణ్‌, సంగీతం: సాయికార్తీక్‌, ఎడిటింగ్‌: శ్యామ్‌ వాడవల్లి, కొరియోగ్రఫీ: అనీలామా, ఆర్ట్‌: పెద్దిరాజు అడ్డాల, స్టంట్స్‌: జాషువ, లిరిక్స్: భాస్కరభట్ల, కాసర్ల శ్యామ్, ప్రొడక్షన్‌ మేనేజర్‌: కిరణ్‌ కాసా, పిఆర్ఓ: బి.ఎ రాజు, చీఫ్‌ కో-డైరెక్టర్‌: పుల్లారావు కొప్పినీడి, నిర్మాత: శ్రీమతి సుశీలాదేవి, కథ, స్క్రీన్‌ప్లే, డైలాగ్స్, దర్శకత్వం: శివకుమార్‌ బి.