Bigg Boss Telugu 5: వామ్మో.. నాగార్జునకు అంత రెమ్యునరేషనా?
Category : Daily Updates Movie News Sliders Top Trending
తెలుగు ప్రేక్షకులకు అన్‌లిమిటెడ్ వినోదాన్ని పంచేందుకు బగ్‌బాస్ ఐదో సీజన్ మొదలైపోయింది. బిగ్బాస్ రియాలిటీ షోను రసవత్తరంగా నడిపించడంలో హోస్ట్‌దే కీలకపాత్ర. అవసరమైన చోట కంటెస్టెంట్లను ఎంకరేజ్‌ చేస్తూ, అతి చేసిన చోట చురకలంటించడం, ఆడియన్స్‌ నాడికి తగ్గట్లుగా కంటెస్టెంట్లతో గేమ్స్‌ కూడా ఆడిస్తుంటాడు హోస్ట్. ఈ క్రమంలో ప్రేక్షకులకు నచ్చే, మెచ్చే రీతిలో మాట్లాడుతూ వారిని అలరిస్తుంటాడు.
అందుకే బిగ్బాస్ మొదలవుతుందనగానే కంటెస్టెంట్ల కన్నా ముందు హోస్ట్ ఎవరన్నదానిపై ఎక్కువగా చర్చ నడుస్తుంది. తొలి సీజన్‌కు ఎన్టీఆర్, రెండో సీజన్‌కు నాని హోస్టింగ్ చేయగా.. మూడు, నాలుగు సీజన్లను కింగ్ నాగార్జున రసవత్తరంగా నిర్వహించారు. ఐదో సీజన్‌కు కూడా ఆయనే హోస్టింగ్ చేస్తున్నారు. అయితే గత సీజన్ల కంటే ఈ సారి ఆయన పారితోషికాన్ని భారీగా డిమాండ్ చేస్తున్నట్లు తెలుస్తోంది.
106 రోజులపాటు కొనసాగనున్న ఐదో సీజన్‌కు నాగార్జున రూ.12 కోట్ల మేర పారితోషికం తీసుకోనున్నట్లు తెలుస్తోంది. గతంలో వీకెండ్‌లో ప్రసారమయ్యే ఒక్క ఎపిసోడ్‌కు సుమారు రూ.12 లక్షలు తీసుకున్న నాగ్‌ ఈసారి మాత్రం భారీ రేంజ్‌లో డబ్బులు డిమాండ్ చేస్తుండటం షాక్‌కు గురిచేస్తోంది. నాగార్జున హోస్టింగ్‌ను ప్రేక్షకులు ఇష్టపడటంతో ఐదో సీజన్ కూడా సక్సెస్ అవుతుందని భావిస్తున్న షో నిర్వాహకులు ఆయన ఎంత అడిగితే అంత రెమ్యునరేషన్ ఇవ్వాలని నిర్ణయించుకున్నారట. అందుకే ఏకంగా రూ.12కోట్లు ఇవ్వడానికి రెడీ అయినట్లు సోషల్‌మీడియాలో ప్రచారం జరుగుతోంది.
