బన్నీ ఫ్యాన్స్‌కు సర్ప్రైజ్.. ‘సామి సామి’ వీడియో సాంగ్ వచ్చేసింది
Category : Behind the Scenes Movie News Sliders Video Songs
అల్లు అర్జున్ హీరోగా సుకుమార్‌ దర్శకత్వంలో ‘పుష్ప’ చిత్రం ఎంతటి ఘనవిజయం సాధించిందో ప్రత్యేకంగా చెప్పాల్సిన పనిలేదు. వీరిద్దరి కాంబినేషన్‌లో హ్యాట్రిక్‌ సినిమా వచ్చిన ‘పుష్ప ది రైజ్‌’ ఇండియన్‌ బాక్సాఫీస్‌ వద్ద సంచలన విజయయాన్ని నమోదు చేసుకుంది. డిసెంబర్ 17న పాన్ ఇండియా స్థాయిలో విడుదలైన చిత్రం అన్ని భాషల్లో మంచి బజ్‌ను సొంతం చేసుకుంది. ఇక ఈ సినిమాలో బన్నీ మాస్‌ యాక్టింగ్‌తో పాటు పాటలు కూడా విపరీతంగా ఆకట్టుకున్నాయి. ఈ క్రమంలోనే చిత్ర యూనిట్ వరుస పెట్టి వీడియో సాంగ్స్‌ను విడుదల చేస్తున్నాయి. ఇప్పటికే చిత్ర యూనిట్ విడుదల చేసిన ‘దాక్కో దాక్కో మేక’ వీడియో సాంగ్ యూట్యూబ్‌లో రికార్డ్‌ వ్యూస్‌తో దూసుకుపోతోంది. ఈ నేపథ్యంలో తాజాగా.. ‘సామి సామి’ వీడియో సాంగ్‌ను శుక్రవారం విడుదల చేశారు. ఈ పాటను విడుదల చేసిన కేవలం కొన్ని గంటల్లోనే లక్షల వ్యూస్‌తో దూసుకుపోతోంది. దేవీ శ్రీ ప్రసాద్‌ సంగీతం అందించిన ఈ పాటను మౌనిక యాదవ్‌ అనే ఫోక్‌ సింగర్‌ అద్భుతంగా ఆలపించారు.
