‘శ్యామ్ సింగరాయ్’ ఫేమ్‌ రవితేజ్‌ హీరోగా, మిస్‌ మహారాష్ట్ర అనిత షిండే జంటగా సతీష్‌ దర్శకత్వంలో తెరకెక్కుతున్న చిత్రం ‘దిల్‌ తో పాగల్‌ హై’. ఎస్‌ఎమ్‌ఆర్‌ ఎస్టేట్స్‌ అండ్‌ డెవలపర్స్‌ సమర్పణలో గీతా ఫిలిమ్స్‌ పతాకంపై ఎస్‌. సోమరాజు నిర్మిస్తున్న ఈ సినిమా ఆదివారం హైదరాబాద్‌లో ప్రారంభమైంది. ముహూర్తపు సన్నివేశానికి నిర్మాతల మండలి ప్రధాన కార్యదర్శి టి.ప్రసన్నకుమార్‌ క్లాప్‌నిచ్చారు. జైపాల్‌రెడ్డి కెమెరా స్విచ్చాన్‌ చేశారు.
ఈ సందర్భంగా దర్శకుడు మాట్లాడుతూ ‘‘ఇద్దరు ప్రేమికుల ప్రయాణం నేపథ్యంలో సాగే ఈ కథ వినగానే సినిమా చేయడానికి ముందుకొచ్చారు నిర్మాత. జనవరి 15 తర్వాత చిత్రీకరణ ప్రారంభిస్తాం. మేలో ప్రేక్షకుల ముందుకు తీసుకొస్తాం’’ అన్నారు.